ക്വാര്‍ട്ടറില്‍ മുട്ടുകുത്തി പ്രണീത്, ചൈന ഓപ്പണിലെ ഇന്ത്യന്‍ സാന്നിദ്ധ്യം അവസാനിച്ചു

- Advertisement -

ചൈന ഓപ്പണ്‍ പുരുഷ വിഭാഗം സിംഗിള്‍സില്‍ നിന്ന് പുറത്തായ സായി പ്രണീത്. ഇന്തോനേഷ്യയുടെ ആന്തണി സിനിസുക ജിന്റിംഗിനോടാണ് താരം മൂന്ന് ഗെയിം പോരാട്ടത്തില്‍ കീഴടങ്ങിയത്. ആദ്യ ഗെയിം വിജയിച്ച ശേഷമാണ് പ്രണീതിന്റെ തോല്‍വി. എന്നാല്‍ രണ്ടാം ഗെയിമില്‍ തീരെ നിറം മങ്ങിയ പ്രണീതിന് ആറ് പോയിന്റ് മാത്രമേ നേടാനായുള്ളു. പിന്നീട് മൂന്നാം ഗെയിമിലും ഇതേ ആധിപത്യം പുലര്‍ത്തി ഇന്തോനേഷ്യന്‍ താരം വിജയം കുറിച്ചു. സ്കോര്‍: 21-16, 6-21, 16-21. 55 മിനുട്ടാണ് മത്സരം നീണ്ട് നിന്നത്.

ഇതോടെ ചൈന ഓപ്പണിലെ ഇന്ത്യന്‍ സാന്നിദ്ധ്യം അവസാനിച്ചു. ഇന്നലെ വനിത വിഭാഗത്തില്‍ സിന്ധുവും പുരുഷ വിഭാഗത്തില്‍ പാരുപ്പള്ളി കശ്യപും പുറത്തായിരുന്നു.

Advertisement