ആദ്യ ഗെയിം കൈവിട്ട ശേഷം ശക്തമായ തിരിച്ചുവരവ് നടത്തി മനു അട്രി-സുമീത് റെഡ്ഢി സഖ്യം. തീപാറും പോരാട്ടത്തിനൊടുവിലാണ് മലേഷ്യന്‍ കൂട്ടുകെട്ടിനെതിരെ ഇന്ത്യന്‍ സഖ്യം പൊരുതി വിജയം നേടിയത്. ആദ്യ ഗെയിം 15-21നു ഇന്ത്യന്‍ സഖ്യം പിന്നോട്ട് പോയെങ്കിലും രണ്ടാം ഗെയിം 23-21നു ഒപ്പത്തിനൊപ്പം പൊരുതി നിന്ന ശേഷം ഇന്ത്യ സ്വന്തമാക്കിയപ്പോള്‍ മത്സരം നിര്‍ണ്ണായകമായ മൂന്നാം ഗെയിമിലേക്ക് നീങ്ങി. 21-19നു ഗെയിമും മത്സരവും സ്വന്തമാക്കി ഇന്ത്യന്‍ കൂട്ടുകെട്ട് പ്രീക്വാര്‍ട്ടറിലേക്ക് കടക്കുകയായിരുന്നു.
55 മിനുട്ട് നീണ്ട പോരാട്ടത്തിനൊടുവില്‍ 15-21, 23-21, 21-19 എന്ന സ്കോറിനായിരുന്നു മനു അട്രി-സുമീത് റെഡ്ഢി കൂട്ടുകെട്ടിന്റെ ജയം. ഇന്നലെ മിക്സഡ് ഡബിള്‍സില്‍ സിക്കി റെഡ്ഢി-പ്രണവ് ജെറി ചോപ്ര സഖ്യം അമേരിക്കന്‍ സഖ്യത്തെ 21-9, 21-6 എന്ന സ്കോറിനു ആദ്യ റൗണ്ടില്‍ പരാജയപ്പെടുത്തിയിരുന്നു.
