ഓസ്ട്രേലിയൻ ഓപ്പൺ കിരീടം ഇന്ത്യയുടെ യുവ ബാഡ്മിന്റൺ താരം ലക്ഷ്യ സെൻ സ്വന്തമാക്കി. ജപ്പാനീസ് താരം ടനാകയെ നേരിട്ടുള്ള ഗെയിമുകൾക്ക് തോൽപ്പിച്ച് ആണ് ലക്ഷ്യ സെൻ കിരീടത്തിൽ എത്തിയത്. ലക്ഷ്യസെനിന്റെ ഈ വർഷത്തെ ആദ്യത്തെ അന്താരാഷ്ട്ര കിരീടമാണിത്.
21-15, 21-11 എന്നീ സ്കോറിനായിരുന്നു വിജയം. രണ്ട് ഗെയിമിലും തുടക്കം മുതൽ ഒടുക്കം വരെ ലീഡ് നിലനിർത്താൻ ലക്ഷ്യസെന്നിന് ആയി. ആദ്യ ഗെയിമിൽ ജപ്പാൻ താരത്തിന് ചെറിയ പോരാട്ടം നടത്താൻ ആയിരുന്നു എങ്കിലും രണ്ടാം ഗെയിമിൽ കളി തീർത്തും ലക്ഷ്യ സെന്നിന്റെ നിയന്ത്രണത്തിൽ ആയിരുന്നു. ഒരു ഘട്ടത്തിൽ 11 പോയിന്റിന്റെ ലീഡ് വരെ കൈവരിക്കാൻ ലക്ഷ്യ സെന്നിന് ആയി. താരത്തിന്റെ മൂന്നാൽ സൂപ്പർ 500 കിരീടമാണിത്.