ബാഡ്മിന്റണ്‍ ലോക ചാമ്പ്യന്‍ഷിപ്പിന്റെ പുരുഷ ഡബിള്‍സ് ആദ്യ റൗണ്ടില്‍ അനായാസ വിജയവുമായി ഇന്ത്യന്‍ ടീമുകള്‍. ഫ്രഞ്ച് താരങ്ങള്‍ക്കെതിരെ വെറും 26 മിനുട്ടിലാണ് ഇന്ത്യയുടെ മനു അട്രി-സുമീത് റെഡ്ഢി കൂട്ടുകെട്ട് വിജയം കരസ്ഥമാക്കിയത്. സ്കോര്‍ 21-13, 21-13. മറ്റൊരു മത്സരത്തില്‍ രാമചന്ദ്രന്‍ ശ്ലോക്-എംആര്‍ അര്‍ജ്ജുന്‍ കൂട്ടുകെട്ട് സ്വിറ്റ്സര്‍ലാണ്ട് താരങ്ങളെ 21-14, 21-16 എന്ന സ്കോറിന് പരാജയപ്പെടുത്തി രണ്ടാം റൗണ്ടില്‍ കടന്നു.
അതേ സമയം വനിത ഡബിള്‍സില്‍ പൂജ ഡാണ്ടു-സഞ്ജന സന്തോഷ് കൂട്ടുകെട്ട് 15-21, 14-21 എന്ന സ്കോറിന് പരാജയപ്പെട്ട് ആദ്യ റൗണ്ടില്‍ തന്നെ പുറത്തായി.
