പുരുഷ-വനിത സിംഗിള്‍സ് ടീമുകളുടെ പരാജയത്തിനു പിന്നാലെ പുരുഷ ഡബിള്‍സില്‍ സാത്വിക് സായിരാജ്-ചിരാഗ് ഷെട്ടി കൂട്ടുകെട്ടും സെമിയില്‍ അടിയറവു പറഞ്ഞതോടെ 2018 ഫ്രഞ്ച് ഓപ്പണ്‍ ബാഡ്മിന്റണിലെ ഇന്ത്യന്‍ പ്രതീക്ഷകള്‍ അസ്തമിച്ചു. നേരിട്ടുള്ള ഗെയിമുകളില്‍ ഇന്തോനേഷ്യന്‍ കൂട്ടുകെട്ടിനോടാണ് ഇന്ത്യന്‍ താരങ്ങള്‍ കീഴടങ്ങിയത്.
42 മിനുട്ടിനു ശേഷം 21-12, 26-24 എന്ന സ്കോറിനായിരുന്നു ഇവരുടെ തോല്‍വി. ആദ്യ ഗെയിമില്‍ ചെറുത്ത്നില്പില്ലാതെ കീഴടക്കിയ ഇന്ത്യന്‍ ടീം രണ്ടാം ഗെയിമില്‍ അവസാന ശ്വാസം വരെ പൊരുതിയ ശേഷമാണ് കീഴടങ്ങിയത്.
