അടുത്തയാഴ്ച നടക്കുന്ന ബാഡ്മിൻ്റൺ ഏഷ്യ ചാമ്പ്യൻഷിപ്പിൽ നിന്ന് ഇന്ത്യൻ താരങ്ങളായ സാത്വിക്സായിരാജ് റാങ്കിറെഡ്ഡിയും ചിരാഗ് ഷെട്ടിയും പിന്മാറി. പുരുഷ ഡബിൾസിൽ ഏഷ്യൻ ചാമ്പ്യൻഷിപ്പിൽ നിലവിലെ ചാമ്പ്യന്മാരാണ് സാത്വികും ചിരാഗും. ചിരാഗിന്റെ പരിക്കാണ് ഇവർ പിന്മാറാൻ കാരണം.
നിലവിൽ ലോക ഒന്നാം റാങ്കിലുള്ള സാത്വിക്കും ചിരാഗും 58 വർഷത്തെ കാത്തിരിപ്പിന് അവസാനം കുറിച്ചായിരുന്നു ഏഷ്യ ബാഡ്മിൻ്റൺ ചാമ്പ്യൻഷിപ്പിൽ ചാമ്പ്യന്മാരാകുന്ന ഇന്ത്യക്കാരായി മാറിയത്.
ഈ സീസണിൽ തകർപ്പൻ ഫോമിലുള്ള സാത്വികും ചിരാഗും, ഫ്രഞ്ച് ഓപ്പൺ സൂപ്പർ 750 നേടുകയും രണ്ട് ഫൈനലുകളിൽ റണ്ണറപ്പായി ഫിനിഷ് ചെയ്യുകയും ചെയ്തിരുന്നു. ഇതൊരു പുതിയ പരിക്കല്ല എന്നും ദീർഘകാലമായി തോളിന് പ്രശ്നം ഉണ്ടെന്നും അവർ അറിയിച്ചു.