8 മാസത്തോളം പരിക്ക് മൂലം കളിക്കളത്തില് നിന്ന് വിട്ട് നിന്ന ശേഷം കളിക്കുന്ന തന്റെ രണ്ടാമത്തെ ടൂര്ണ്ണമെന്റായ ചൈന ഓപ്പണില് ആദ്യ റൗണ്ടില് വിജയം കരസ്ഥമാക്കി സ്പെയിനിന്റെ കരോളിന മരിന്. ജപ്പാന്റെ നൊസോമി ഒക്കുഹാരയെയാണ് ആദ്യ റൗണ്ടില് നേരിട്ടുള്ള ഗെയിമില് ഒളിമ്പിക്സ് സ്വര്ണ്ണ മെഡല് ജേതാവ് പരാജയപ്പെടുത്തിയത്.
46 മിനുട്ടാണ് മത്സരം നീണ്ട് നിന്നത്. സ്കോര്: 21-16, 21-18. ഇതോടെ ജപ്പാന്റെ രണ്ട് പ്രധാന താരങ്ങളും വനിത സിംഗിള്സ് ആദ്യ റൗണ്ടില് തന്നെ പുറത്തായി. നേരത്തെ ലോക ഒന്നാം നമ്പര് താരം അകാനെ യമാഗൂച്ചിയും ആദ്യ റൗണ്ടില് തന്നെ പുറത്തായിരുന്നു.