ഓസ്ട്രേലിയന്‍ ഓപ്പണ്‍ പിവി സിന്ധു ക്വാര്‍ട്ടറില്‍, വീണ്ടും അട്ടിമറിയുമായി കിഡംബി

- Advertisement -

അഞ്ചാം സീഡും ലോക 4ാം നമ്പര്‍ താരവുമായ പിവി സിന്ധു ഓസ്ട്രേലിയന്‍ ഓപ്പണ്‍ ക്വാര്‍ട്ടറില്‍. ചൈനയുടെ ചെന്‍ സിയാക്സിനെയാണ് സിന്ധു നേരിട്ടുള്ള ഗെയിമുകളില്‍ പരാജയപ്പെടുത്തിയത്. 21-13, 21-18 ആയിരുന്നു സ്കോര്‍. ക്വാര്‍ട്ടറില്‍ ലോക ഒന്നാം നമ്പര്‍ താരം ടായി സു യിംഗ് ആണ് സിന്ധുവിന്റെ എതിരാളി. ചൈനീസ് തായ്പേയ് താരത്തിനോടു കഴിഞ്ഞ രണ്ട് തവണയും ഏറ്റുമുട്ടിയപ്പോള്‍ പരാജയമായിരുന്നു സിന്ധുവിന്റെ ഫലം.

Srikanth Kidambi (AP Photo/Kin Cheung)

മറ്റൊരു മത്സരത്തില്‍ ലോക ഒന്നാം നമ്പര്‍ താരത്തെ വീണ്ടും അട്ടിമറിച്ച് ഇന്ത്യയുടെ ശ്രീകാന്ത് കിഡംബി. മൂന്ന് ഗെയിം നീണ്ട പോരാട്ടത്തില്‍ ആദ്യ ഗെയിം 15-21 നു കൈവിട്ട ശേഷമാണ് ശ്രീകാന്ത് 21-13, 21-13 എന്ന നിലയില്‍ ബാക്കി രണ്ട് ഗെയിമും സ്വന്തമാക്കി വിജയം കൈവരിച്ചത്. കഴിഞ്ഞാഴ്ച ഇന്തോനേഷ്യ ഓപ്പണ്‍ സെമിയിലും സോണ്‍ വാന്‍ ഹോയെ ശ്രീകാന്ത് പരാജയപ്പെടുത്തിയിരുന്നു.

കൂടുതൽ കായിക വാർത്തകൾക്ക് : www.facebook.com/FanportOfficial

Advertisement