മക്കാവു ഓപ്പണ് 2019ല് പുരുഷ വിഭാഗം സിംഗിള്സിന്റെ ആദ്യ റൗണ്ടില് പുറത്തായി അജയ് ജയറാം. ചൈനയുടെ ഫെയ് സിയാംഗ് സണിനോട് നേരിട്ടുള്ള ഗെയിമുകളില് ആയിരുന്നു അജയ് പരാജയപ്പെട്ടത്. 16-21, 16-21 എന്ന സ്കോറിന് 39 മിനുട്ട് നീണ്ട പോരാട്ടത്തിലാണ് അജയ് കീഴടങ്ങിയത്.
ഇന്ത്യയുടെ പുരുഷ-വനിത ഡബിള്സ് ടീമുകളും തങ്ങളുടെ ആദ്യ റൗണ്ട് മത്സരങ്ങളില് പരാജയമേറ്റുവാങ്ങി. മേഘന ജക്കുംപുഡി-പൂര്വിഷ റാം കൂട്ടുകെട്ട് 17-21, 19-21 എന്ന സ്കോറിന് ചൈനീസ് താരങ്ങളോട് പരാജയപ്പെട്ടപ്പോള് പുരുഷ വിഭാത്തില് വസന്ത കുമാര്-ആഷിത് സൂര്യ കൂട്ടുകെട്ട് 14-21, 14-21 എന്ന സ്കോറിന് കീഴടങ്ങി.