തെലുങ്കാനയിൽ നടക്കുന്ന 34 മത് സൗത്ത് സോൺ ജൂനിയർ അത്ലറ്റിക് ചാമ്പ്യൻഷിപ്പിൽ ഇരട്ട സ്വർണം നേടി ലക്ഷദ്വീപ്. അണ്ടർ 16 പെൺ കുട്ടികളുടെ ലോങ് ജംപിൽ ഹനീന ഫർസാന ലക്ഷദ്വീപിന് ആയി സ്വർണം നേടി. 5.44 മീറ്റർ ദൂരം ആണ് ഹനീന ചാടിയത്. തെലുങ്കാനയുടെ വൈശാലി വെള്ളി നേടിയപ്പോൾ തമിഴ് നാടിന്റെ സദന രവിക്ക് ആണ് ഈ ഇനത്തിൽ വെങ്കലം.
അതേസമയം അണ്ടർ 14 പെൺ കുട്ടികളുടെ ഹെപ്റ്റോതലണിൽ ലക്ഷദ്വീപിന്റെ മുസൈന മുഹമ്മദ് സ്വർണം നേടി. 1598 പോയിന്റുകൾ നേടിയാണ് മുസൈന ലക്ഷദ്വീപിന് ആയി ചാമ്പ്യൻഷിപ്പിലെ രണ്ടാം സ്വർണം നേടിയത്. തെലുങ്കാനയിൽ നിന്നുള്ള താരങ്ങൾ ആണ് ഈ ഇനത്തിൽ വെള്ളിയും വെങ്കലവും നേടിയത്. സമീപകാലത്ത് ലക്ഷദ്വീപ് അത്ലറ്റിക്സിൽ നടത്തുന്ന മികവിന്റെ തുടർച്ചയാണ് ഈ മെഡൽ നേട്ടങ്ങൾ.