ഇന്ത്യക്ക് ഏഷ്യൻ പാരാ ഗെയിംസിൽ ഇന്ന് രണ്ടാം സ്വർണ്ണം. ജാവലിൻ ത്രോയിൽ തന്നെയാണ് രണ്ടാം സ്വർണവും വന്നത്. പുരുഷന്മാരുടെ ജാവലിൻ ത്രോ ത്രോ-എഫ്37/38 ഫൈനലിൽ 17-കാരനായ ഹാനി സ്വർണം നേടി. തന്റെ മൂന്നാം ശ്രമത്തിൽ അദ്ദേഹം 55.97 മീറ്റർ എറിഞ്ഞ് ആണ് സ്വർണ്ണം നേടിയത്. ഗെയിംസ് റെക്കോർഡ് ആയിരുന്ന 46.28 മീറ്ററാണ് ഹാനി ഇന്ന് ഭേദിച്ചത്.മറ്റൊരു ഇന്ത്യൻ താരം ബോബി ഇതേ ഇനത്തിൽ 42.23 മീറ്റർ എറിഞ്ഞ് ആറാം സ്ഥാനത്തെത്തി.
ഇന്ത്യക്ക് ഇതോടെ 11 സ്വർണ്ണം ആയി. ആകെ 44 മെഡലുകൾ ഇന്ത്യ സ്വന്തമാക്കിയിട്ടുണ്ട്. 11 സ്വർണ്ണത്തോടൊപ്പം 12 വെള്ളിയും 21 വെങ്കലവും ഇന്ത്യ നേടിയിട്ടുണ്ട്.