ഹാങ്ഷൗവിൽ നടക്കുന്ന ഏഷ്യൻ ഗെയിംസിലെ ബാഡ്മിന്റൺ മത്സരത്തിൽ ഇന്ത്യൻ താരങ്ങളായ എച്ച്എസ് പ്രണോയിയും പിവി സിന്ധുവും പുരുഷ-വനിതാ സിംഗിൾസ് പ്രീക്വാർട്ടറിലേക്ക് മുന്നേറി. മുൻ ലോക ചാമ്പ്യൻ സിന്ധു 21-10, 21-15 എന്ന സ്കോറിന് ലോക 21 നമ്പർ താരമായ ചൈനീസ് തായ്പേയിയുടെ വെ ചി ഹ്സുവിനെ ആണ് തോൽപ്പിച്ചത്. ഇന്തോനേഷ്യയുടെ പുത്രി കുസുമ വർദാനിയെയോ ഹോങ്കോങ്ങിന്റെ ലിയാങ് കാ വിങ്ങിനെയോ ആകും സിന്ധു അടുത്തതായി നേരിടുക.
മംഗോളിയയുടെ ബറ്റ്ദാവ മുൻഖ്ബാത്തിനെ 25 മിനിറ്റിനുള്ളിൽ 21-9 21-12 എന്ന സ്കോറിന് മറികടന്നാണ് പ്രണോയ് പ്രീക്വാർട്ടറിലേക്ക് കടന്നത്. ജോർദാന്റെ ബഹദീൻ അഹമ്മദ് അൽഷാനിക്കിനെയോ കസാക്കിസ്ഥാന്റെ ദിമിത്രി പനാരിനെയോ അദ്ദേഹം അടുത്ത റൗണ്ടൽ നേരിടും.