ഏഷ്യന് ഗെയിംസ് 2018ലെ ഇന്ത്യയുടെ ടെന്നീസില് നിന്നുള്ള മെഡലുകള്ക്ക് അവസാനം. ഇന്ന് അവസാന പ്രതിനിധിയായ പ്രജ്നേഷ് ഗുണ്ണേശ്വരന് സെമിഫൈനല് മത്സരത്തില് പരാജയപ്പെട്ടതോടെയാണ് ടെന്നീസിലെ ഇന്ത്യന് പ്രാതിനിധ്യം അവസാനിച്ചത്. പരാജയപ്പെട്ടുവെങ്കിലും സെമിയില് കടന്നതിനു ഇന്ത്യന് താരത്തിനു വെങ്കല മെഡല് ലഭിയ്ക്കും. ലോക റാങ്കിംഗില് 75ാം നമ്പര് താരം ഡെനിസ് ഇസ്റ്റോമിനോട് 2-6, 2-6 എന്ന സ്കോറിനു നേരിട്ടുള്ള സെറ്റുകളിലായിരുന്നു പ്രജ്നേഷിന്റെ തോല്വി.
ടെന്നീസില് നിന്ന് ഇന്ത്യയ്ക്ക് ഒരു സ്വര്ണ്ണവും രണ്ട് വെങ്കലവുമുള്പ്പെടെ 3 മെഡലുകളാണ് നേടിയത്. പ്രജ്നേഷും അങ്കിത റെയ്നയും വെങ്കലം നേടിയപ്പോള് രോഹന് ബൊപ്പണ്ണ-ദിവിജ് ശരണ് കൂട്ടുകെട്ട് സ്വര്ണ്ണം നേടി.