ഇന്ത്യൻ വനിതാ കബഡി ടീം ഫൈനലിൽ. ഇന്ന് ഏഷ്യൻ ഗെയിംസ് സെമി ഫൈനലിൽ നടന്ന മത്സരത്തിൽ നേപ്പാളിനെ ആണ് ഇന്ത്യ തോൽപ്പിച്ച. ഏകപക്ഷീയമായ മത്സരത്തിൽ 61-17 എന്ന സ്കോറിനായിരുന്നു ഇന്ത്യയുടെ വിജയം ഗ്രൂപ്പ് ഘട്ടത്തിലെ മത്സരങ്ങളേക്കാൽ വലിയ മാർജിനിലാണ് ഇന്ത്യ സെമി ഫൈനൽ വിജയിച്ചിരിക്കുന്നത്. ഈ ജയത്തോടെ ഇന്ത്യ വെള്ളി മെഡൽ എങ്കിലും ഉറപ്പിച്ചു.
നാളെ നടക്കുന്ന ഫൈനലിൽ ചൈനീസ് തയ്പയ് ആകും ഇന്ത്യയുടെ എതിരാളികൾ. ഗ്രൂപ്പ് ഘട്ടത്തിൽ ഇന്ത്യയും ചൈനീസ് തായ്പയും ഏറ്റുമുട്ടിയപ്പോൾ 34-34 എന്ന അപൂർവ്വ സമനിലയിൽ കളി അവസാനിച്ചിരുന്നു. ഇന്ന് നിലവിലെ ചാമ്പ്യന്മാരായ ഇറാനെ തോൽപ്പിച്ചാണ് ചൈനീസ് തായ്പയ് ഫൈനൽ ഉറപ്പിച്ചത്.