ഇന്ത്യൻ കബഡി ടീം തുടർച്ചയായ നാലാം വിജയത്തോടെ ഏഷ്യൻ ഗെയിംസിൽ ഗ്രൂപ്പ് ഘട്ടം അവസാനിപ്പിച്ചു. ഇന്ന് അവസാന ഗ്രൂപ്പ് മത്സരത്തിൽ ജപ്പാനെയാണ് തോൽപ്പിച്ചത്. 55-18 എന്ന സ്കോറിനായിരുന്നു ജപ്പാനെതിരായ വിജയം. ഇന്ന് രാവിലെ ഇന്ത്യ ചൈനീസ് തായ്പെയെ തോൽപ്പിച്ച് സെമി ഉറപ്പാക്കിയിരുന്നു.
ഈ വിജയത്തോടെ ഇന്ത്യ ഗ്രൂപ്പിലെ ഒന്നാം സ്ഥാനവും ഒപ്പം സെമി ഫൈനലും ഉറപ്പിച്ചു. വെങ്കല മെഡലും ഇന്ത്യക്ക് ഉറപ്പായി. എന്നാൽ ഗോൾഡ് തന്നെയാകും കബഡിയിൽ ഇന്ത്യയുടെ ലക്ഷ്യം. സെമിയിൽ പാകിസ്താൻ ആകും ഇന്ത്യയുടെ വൈരികൾ. ഇന്ത്യയുടെ വനിതാ ടീമും കബഡിയിൽ സെമിയിൽ എത്തിയിട്ടുണ്ട്