ഇന്ത്യക്ക് ഏഷ്യൻ ഗെയിംസിൽ ഒരു നിരാശ. മെഡൽ പ്രതീക്ഷ ആയിരുന്ന പി വി സിന്ധു ക്വാർട്ടർ ഫൈനലിൽ പുറത്തായി. നിലവിൽ 15-ാം റാങ്കുകാരിയായ സിന്ധുവിന് ഇന്ന് ബിംഗ്ജിയാവോയെ മറികടക്കാൻ ആയില്ല. 47 മിനിറ്റ് നീണ്ടുനിന്ന മത്സരത്തിൽ 16-21, 12-21 എന്ന സ്കോറിനാണ് സിന്ധു തോറ്റത്.
ടോക്കിയോ ഒളിമ്പിക്സിൽ വെങ്കല മെഡൽ പോരാട്ടത്തിൽ സിന്ധു നേരത്തെ ബിംഗ്ജിയാവോയെ തോൽപ്പിച്ചിരുന്നു. എന്നാൽ ഇന്ന് ഇത് ആവർത്തിക്കാൻ ആയില്ല. സിന്ധുവിന്റെ സമീപകാലത്തെ മോശം ഫോം കൂടിയാണ് ഇന്നത്തെ കളിയിൽ പ്രതിഫലിച്ചത്. 2014 ഇഞ്ചിയോണിൽ വെങ്കലവും 2018 ജക്കാർത്തയിൽ വെള്ളിയും നേടിയ സിന്ധുവിന് ഒരു ഏഷ്യൻ മെഡൽ കൂടെ നേടാതെ നിരാശയോടെ മടങ്ങേണ്ടി വന്നു.