ഏഷ്യൻ ഗെയിംസിൽ ഇന്ത്യൻ ഹോക്കി ടീം സ്വർണ്ണത്തിലേക്ക് അടുക്കുന്നു. ഇന്ന് നടന്ന സെമി ഫൈനലിൽ ഇന്ത്യ കൊറിയയെ തോൽപ്പിച്ചതോടെ സ്വർണ്ണത്തിനായുള്ള ഫൈനൽ മത്സരത്തിലേക്ക് യോഗ്യത ഉറപ്പിച്ചു. ഇന്ന് നടന്ന ആവേശകരമായ മത്സരത്തിൽ 5-3 എന്ന സ്കോറിനാണ് ഇന്ത്യ വിജയിച്ചത്. മാൻ ജേ ജുങ്ങിന്റെ ഹാട്രിക്ക് പ്രകടനവും മറികടന്നാണ് ഇന്ത്യ ജയിച്ചത്.
ഇന്ത്യ അഞ്ചാം മിനുട്ടിൽ ഹാർദികിന്റെ ഗോളിലൂടെ ലീഡ് എടുത്തു. 11ആം മിനുട്ടിൽ മന്ദീപ് ലീഡ് ഇരട്ടിയാക്കി. 15ആം മിനുട്ടിൽ ലലിത് കുമാർ കൂടെ ഗോൾ നേടിയതോടെ ഇന്ത്യ 3-0ന് മുന്നിൽ എത്തി. മൂന്ന് മിനുട്ടിനടിയിൽ ജുങ്ങിലൂടെ കൊറിയ രണ്ട് ഗോൾ മടക്കിയപ്പോൾ 20 മിനുട്ടിൽ സ്കോർ 3-2 എന്നായി.
ഇന്ത്യ 24ആം മിനുട്ടിൽ അമിതിലൂടെ ഗോൾ നേടി സ്കോർ 4-2 എന്നാക്കി. വീണ്ടും കൊറൊയൻ ഗോൾ വന്നു. 43ആം മിനുട്ടിൽ സ്കോർ 4-3. അവസാനം 54ആം മിനുട്ടിലെ അഭിഷേകിന്റെ ഗോൾ ഇന്ത്യൻ വിജയം ഉറപ്പിച്ചു.