ടേബിള്‍ ടെന്നീസില്‍ നിന്ന് ഒരു മെഡല്‍ കൂടി ഉറപ്പാക്കി ഇന്ത്യ. ഇന്ന് നടന്ന മിക്സഡ് ഡബിള്‍സ് ക്വാര്‍ട്ടര്‍ ഫൈനലില്‍ കൊറിയയുടെ താരങ്ങളെ പരാജയപ്പെടുത്തി ശരത് കമാല്‍ – മണിക ബത്ര കൂട്ടുകെട്ട് സെമിയില്‍ കടക്കുകയായിരുന്നു. സെമിയില്‍ എത്തിയതോടെ ഇന്ത്യയ്ക്ക് ഒരു മെഡല്‍ ഉറപ്പായിട്ടുണ്ട്.
അഞ്ച് ഗെയിം നീണ്ട പോരാട്ടത്തില്‍ ഇന്ത്യ 3-2 എന്ന സ്കോറിനാണ് ജയം സ്വന്തമാക്കിയത്. 4-11, 12-10, 6-11, 11-6, 11-8. ആദ്യ ഗെയിമും മൂന്നാമത്തെ ഗെയിമും നഷ്ടമായെങ്കിലും പതറാതെ ഇന്ത്യന്‍ സഖ്യം വിജയം ഉറപ്പാക്കുകയായിരുന്നു.
