1500 മീറ്ററിൽ പുരുഷന്മാരുടെയും സ്ത്രീകളുടെയും രണ്ട് ഫൈനലുകളിലായി മൂന്ന് മെഡലുകളോടെ ഇന്ത്യ ഇന്ന് സ്വന്തമാക്കി. വനിതകളുടെ ഫൈനലിൽ 4:12.74 മിനിറ്റിൽ ഹർമിലൻ ബെയിൻസ് ഇന്ത്യക്കായി വെള്ളി മെഡൽ നേടി. പുരുഷന്മാരുടെ ഫൈനലിൽ ഇന്ത്യ രണ്ട് മെഡലുകൾ നേടി. അജയ് കുമാർ സരോജ് 3:38.94 മിനിറ്റിൽ വെള്ളി നേടിയപ്പോൾ 3:39.74 മിനിറ്റിൽ ജിൻസൺ ജോൺസൺ വെങ്കലം നേടി.
ഹർമിലന്റെ അച്ഛൻ അമൻദീപ് ബെയിൻസ് 1500 മീറ്ററിൽ സൗത്ത് ഏഷ്യൻ ഗെയിംസ് മുമ്പ് മെഡൽ നേടിയിട്ടുള്ള താരമാണ്. അമ്മ മാധുരി സക്സേന 2002 ഏഷ്യൻ ഗെയിംസ് 800 മീറ്ററിൽ വെള്ളി മെഡൽ ജേതാവുമാണ്.