ഏഷ്യൻ ഗെയിംസ് പുരുഷ സിംഗിൾസിൽ ഇന്ത്യൻ താരം എച് എസ് പ്രണോയ് സെമി ഫൈനലിലേക്ക് മുന്നേറി. ആവേശകരമായ മത്സരത്തിൽ മലേഷ്യയുടെ ലീ സി ജിയായെ മറികടന്നാണ് മലയാളി ആയ പ്രണോയ് സെമി ഉറപ്പിച്ചത്. 21-16, 21-23, 22-20 എന്നായിരുന്നു സ്കോർ. നേരിട്ട സെറ്റുകൾക്ക് തന്നെ പ്രണോയ് ജയിക്കിമായിരുന്നു. എന്നാൽ രണ്ട് മാച്ച് പോയിന്റുകൾ അദ്ദേഹത്തിന് രണ്ടാം സെറ്റിൽ നഷ്ടമായി. എന്നിട്ടും തളരാതെ പൊരുതി വിജയത്തിലെത്താൻ പ്രണോയിക്ക് ആയി.
ഇതോടെ പ്രണോയ് വെങ്കലം ഉറപ്പിച്ചു. എങ്കിലും താരം ഗോൾഡ് തന്നെയാകും ലക്ഷ്യമിടുന്നത്. 1982ന് ശേഷം ആദ്യമായാണ് ഇന്ത്യ ഏഷ്യൻ ഗെയിംസ് പുരുഷ സിംഗിൾസിൽ ഒരു മെഡൽ നേടുന്നത്. 1982ൽ സെയ്ദ് മോദി വെങ്കലം നേടിയിരുന്നു.