ഏഷ്യൻ ഗെയിംസിൽ ഇന്തക്കായി ഒരു മലയാളി മെഡൽ കൂടെ. പുരുഷന്മാരുടെ 800 മീറ്റർ ഓട്ടം ഫൈനലിൽ മുഹമ്മദ് അഫ്സൽ ആണ് വെള്ളി മെഡൽ നേടിയത്. മുഹമ്മദ് അഫ്സൽ 1:48:43 സെക്കൻഡിൽ ഫിനിഷ് ചെയ്താണ് വെള്ളി മെഡൽ നേടിയത്. തുടക്കം മുതൽ ലീഡിൽ ഉണ്ടായിരുന്ന അഫ്സലിനെ അവസാന ഘട്ടത്തിൽ സൗദി അറേബ്യൻ താരം എസ്സ് കസാനി മറികടക്കുകയായിരുന്നു.
ഇന്ത്യയുടെ ഈ ഏഷ്യൻ ഗെയിംസിലെ 65ആം മെഡലാണിത്. ഒറ്റപ്പാലം സ്വദേശിയാണ് മുഹമ്മദ് അഫ്സൽ കഴിഞ്ഞ വർഷം നടന്ന ദേശീയ മീറ്റിൽ 800 മീറ്ററിൽ 21 വർഷം പഴക്കമുള്ള റെക്കോർഡ് അഫ്സൽ തകർത്തിരുന്നു. 27കാരനായ താരം മുമ്പ് ലോക സ്കൂൾമീറ്റിലും ഏഷ്യൻ സ്കൂൾ മീറ്റിലും എല്ലാം തിളങ്ങിയിട്ടുണ്ട്.