ആതിഥേയരായ അര്‍ജന്റീനയെ കീഴടക്കി ഇന്ത്യ യൂത്ത് ഒളിമ്പിക്സ് ഹോക്കി 5s ഫൈനലില്‍ പ്രവേശിച്ചു. ഇന്ത്യന്‍ സമയം ശനിയാഴ്ച 11.30യ്ക്ക് നടന്ന മത്സരത്തില്‍ 3-1 എന്ന സ്കോറിനാണ് ഇന്ത്യയുടെ വിജയം. മൂന്നാം മിനുട്ടില്‍ രാഹുല്‍ ഇന്ത്യയ്ക്ക് ലീഡ് നേടിക്കൊടുത്തുവെങ്കിലും ഫാകുന്‍ഡോയിലൂടെ അര്‍ജന്റീന സമനില ഗോള്‍ കണ്ടെത്തി. ആദ്യ പകുതിയില്‍ ഇരു ടീമുകളും 1-1 എന്ന സ്കോറിനു തുല്യത പാലിച്ചു.
രണ്ടാം പകുതിയില്‍ 12, 18 മിനുട്ടുകളില്‍ സുദീപ് നേടിയ ഗോളിലൂടെ ഇന്ത്യ മത്സരം വിജയിച്ച് ഫൈനലിക്ക് കടക്കുകയായിരുന്നു. ഇന്ത്യന്‍ വനിതകള്‍ അല്പ സമയത്തിനുള്ളില്‍ സെമി മത്സരത്തില്‍ ചൈനയെ നേരിടും. പോളണ്ടിനെ 3-0 എന്ന സ്കോറിനു തകര്‍ത്താണ് ഇന്ത്യ സെമിയിലേക്ക് യോഗ്യത നേടിയത്.
