പാരീസ് ഒളിമ്പിക്സിലെ പുരുഷന്മാരുടെ സിംഗിൾസ് സ്കൾസിൽ ഇന്ത്യയുടെ ബൽരാജ് പൻവാറിന് നേരിട്ട് ക്വാർട്ടർ ഫൈനൽ എത്താനുള്ള അവസരം നഷ്ടമായി. പാരീസ് ഒളിമ്പിക്സിലെ പുരുഷ സിംഗിൾസ് സ്കൾസ് ഇനത്തിൻ്റെ ഹീറ്റ് 1 ൽ ഇന്ത്യയുടെ ബൽരാജ് പൻവാർ 7:07.11 എന്ന സമയം ആണ് ഫിൻസിഷിന് എടുത്തത്. നാലാമതായാണ് താരം ഫിനിഷ് ചെയ്തത്.
ആദ്യ മൂന്ന് സ്ഥാനക്കാർക്ക് മാത്രമെ നേരിട്ട് ക്വാർട്ടർ ഫൈനലിലേക്കുള്ള നേരിട്ടുള്ള യോഗ്യത ലഭിക്കുമായിരുന്നുള്ളൂ. സീൻ നദിയിൽ നടന്ന മത്സരത്തിന്റെ ഹീറ്റ്സിൽ 6:55:92 എന്ന സമയത്തിൽ ന്യൂസിലൻഡ് താരം തോകസ് മക്കിന്റോഷ് ആണ് ഒന്നാമത് എത്തിയത്.
പൻവാറിനെ ഇനി റെപച്ചേജ് റൗണ്ടിൽ ശ്രദ്ധ കേന്ദ്രീകരിക്കാം. അതിലൂടെ പൻവാറിന് ക്വാർട്ടർ ഫൈനലിൽ ഉറപ്പിക്കാൻ ആകും. നാളെയാണ് റെപച്ചേജ് മത്സരം.