Category: Olympics

ഒളിമ്പിക്സ് യോഗ്യതയുള്ള ലോക അത്ലറ്റിക്സ് റിലേ മത്സരങ്ങള്‍ മേയ് 1 – 2 തീയ്യതികളില്‍ പോളണ്ടില്‍ നടക്കുവാനിരിക്കുകയാണ്. എന്നാല്‍ ഇന്ത്യന്‍ ഹിമ ദാസും ദ്യുതി ചന്ദും ഉള്‍പ്പെടുന്ന ഇന്ത്യന്‍ സംഘത്തിന് ഈ മത്സരങ്ങള്‍ക്ക് പോളണ്ടിലെത്തുവാന്‍ ആകുമോ എന്ന പ്രതിസന്ധിയാണ് കോവിഡ് കാരണം ഉടലെടുത്തിരിക്കുന്നത്.

വനിതകളുടെ 4×100 മീറ്റര്‍ റിലേ ടീമും പുരുഷന്മാരുടെ 4×400 മീറ്റര്‍ ടീമും ആംസ്റ്റര്‍ഡാമിലേക്ക് കണക്ഷന്‍ ഫ്ലൈറ്റ് എടുക്കുവാന്‍ നിന്ന സമയത്ത് ആണ് തിരിച്ചടിയായ തീരുമാനം ഡച്ച് സര്‍ക്കാര്‍ കൈക്കൊണ്ടത്. ഇന്ത്യയില്‍ നിന്നുള്ള ഫ്ലൈറ്റുകള്‍ റദ്ദാക്കുവാന്‍ ഇവര്‍ തീരുമാനിക്കുകയായിരുന്നു. പോളണ്ടിലേക്ക് നേരിട്ട് ഫ്ലൈറ്റ് ഇല്ലാത്തതിനാല്‍ തന്നെ ഇപ്പോള്‍ ഇന്ത്യന്‍ അത്ലറ്റിക്ക് ഫെഡറേഷന്‍ മറ്റു യൂറോപ്യന്‍ രാജ്യത്തിലേക്ക് ഫ്ലൈറ്റ് ബുക്ക് ചെയ്യുവാനുള്ള അവസാന നിമിഷ ശ്രമത്തിലാണുള്ളത്.

ടോക്കിയോ ഒളിമ്പിക്സ് ഇനിയും നീട്ടാൻ ഒരു വിധത്തിലും അനുവദിക്കില്ല എന്ന് ജപ്പാൻ. കഴിഞ്ഞ ദിവസം 2021ലും ഒളിമ്പിക്സ് നടത്താൻ കഴിഞ്ഞേക്കില്ല എന്ന് ഒളിമ്പിക്സ് അധികൃതർ പറഞ്ഞിരുന്നു. ഇതിനെതിരെയാണ് ജപ്പാൻ രംഗത്തു വന്നിരിക്കുന്നത്. ഈ വർഷം നടക്കേണ്ട ഒളിൻപിക്സ് കൊറോണ കാരണം അടുത്ത വർഷത്തേക്ക് മാറ്റിയത് തന്നെ ജപ്പാന് വലിയ സാമ്പത്തിക പ്രതിസന്ധി നൽകുന്നുണ്ട്.

അതുകൊണ്ട് തന്നെ ഇനിയും നീട്ടുന്നത് ആലോചിക്കാൻ ആവില്ല എന്ന് ജപ്പാൻ പറയുന്നു. മാത്രമല്ല രണ്ടു വർഷത്തേക്ക് നീട്ടുന്നത് ജപ്പാന്റെ ഉൾപ്പെടെയുള്ള കായിക താരങ്ങളുടെ വർഷങ്ങളായുള്ള ഒരുക്കമാണ് നഷ്ടമാക്കുന്നത് എന്നും ജപ്പാൻ പറയുന്നു. 2022ലേക്ക് മാറ്റേണ്ടി വരും എന്നും യോഗ്യതാ മത്സരങ്ങൾ വരെ നടത്താൻ കഴിയാത്ത സാഹചര്യമാണ് എന്നുമാണ് നിരീക്ഷകർ പറയുന്നത്.