ഇന്ന് രാവിലെ നടന്ന ലോക അത്ലറ്റിക്സ് റിലേയിൽ മികച്ച പ്രകടനം കാഴ്ചവെച്ചു കൊണ്ട് ഇന്ത്യയുടെ പുരുഷ വനിതാ ടീമുകൾ പാരീസ് ഒളിമ്പിക്സ് യോഗ്യത ഉറപ്പിച്ചു. ഇന്ന് രണ്ടാം റൗണ്ട് ഹീറ്റ്സിൽ രണ്ടാം സ്ഥാനത്ത് ഫിനിഷ് ചെയ്തതോടെയാണ് ഇന്ത്യൻ പുരുഷ-വനിതാ 4×400 മീറ്റർ റിലേ ടീമുകൾ പാരീസ് ഒളിമ്പിക്സിന് യോഗ്യത നേടിയത്.
വനിതാ വിഭാഗത്തിൽ രൂപാൽ ചൗധരി, എം ആർ പൂവമ്മ, ജ്യോതിക ശ്രീ ദണ്ഡി, ശുഭ വെങ്കിടേശൻ എന്നിവരുടെ ടീം 3 മിനിറ്റ് 29.35 സെക്കൻഡിൽ ജമൈക്കയ്ക്ക് (3:28.54) പിന്നിൽ രണ്ടാം സ്ഥാനത്തെത്തി.
https://twitter.com/IndiaSportsHub/status/1787290796661899695?s=19
മുഹമ്മദ് അനസ് യഹിയ, മുഹമ്മദ് അജ്മൽ, അരോകിയ രാജീവ്, അമോജ് ജേക്കബ് എന്നിവരടങ്ങിയ പുരുഷ ടീം 3 മിനിറ്റും 3.23 സെക്കൻഡും എന്ന ടൈമിൽ ഫിനിഷ് ചെയ്തു, അവരുടെ ഹീറ്റ്സിൽ യുഎസിനു പിന്നിൽ രണ്ടാം സ്ഥാനവും നേടി (2:59.95).
ജൂലൈ 26 മുതൽ ഓഗസ്റ്റ് 11 വരെ നടക്കുന്ന ഒളിമ്പിക്സിന് രണ്ടാം റൗണ്ടിലെ മൂന്ന് ഹീറ്റ്സുകളിലെയും ആദ്യ രണ്ട് ടീമുകൾ ആണ് യോഗ്യത നേടുന്നത്. പാരീസ് ഗെയിംസിലെ അത്ലറ്റിക്സ് മത്സരങ്ങൾ ഓഗസ്റ്റ് ഒന്നിന് ആണ് ആരംഭിക്കുന്നത്.