പാരീസ് ഒളിമ്പിക്സിൽ സാമൂഹിക മാധ്യമങ്ങളിൽ വലിയ ആക്രമണം നേരിടുന്ന അൾജീരിയൻ താരം ഇമാനെ ഖലീഫിന് പിന്തുണയും ആയി ഇന്ത്യൻ അത്ലറ്റ് ദ്യുതി ചന്ദ് രംഗത്ത് എത്തി. 2014 ൽ തനിക്ക് എതിരെ ഇന്റർനാഷണൽ ഒളിമ്പിക് കമ്മിറ്റി testosterone അധികമാണ് എന്ന കാരണം കൊണ്ട് വിലക്ക് ഏർപ്പെത്തിയപ്പോൾ താൻ സ്വിസ് കായിക കോടതിയിൽ പോയ കാര്യം ഓർത്തെടുത്ത ദ്യുതി അന്ന് കോടതി testosterone അധികമാണ് എന്നത് കൊണ്ട് കായിക ശേഷി കൂടില്ല എന്ന വിധിയാണ് പറഞ്ഞത് എന്നു ഓർമ്മിപ്പിച്ചു.
താൻ തന്റെ ജെൻഡറിന്റെ കാര്യത്തിൽ ഒരുപാട് വിവാദങ്ങൾ നേരിട്ടത് ആണെന്ന് പറഞ്ഞ ദ്യുതി ഇമാനെക്ക് testosterone കൂടുതൽ ആണെന്ന് പറഞ്ഞു ഇറ്റാലിയൻ താരം പിന്മാറിയ നടപടി ശരിയല്ല എന്നും പറഞ്ഞു. നിരവധി പരിശോധനകൾക്ക് വിധേയമായി ആണ് കായിക താരങ്ങൾ ഒളിമ്പിക്സ് പോലൊരു വേദിയിൽ എത്തുന്നത് എന്നതിനാൽ ഇറ്റാലിയൻ താരം ഇത്തരം ഒരു വിവാദം ഉണ്ടാക്കിയത് അനാവശ്യമാണ് എന്നാണ് മുൻ ഒളിമ്പിക് സ്പ്രിന്റർ പറഞ്ഞത്. നേരത്തെ ഈ വിഷയത്തിൽ ദ്യുതിക്ക് എതിരെയും മറ്റൊരു ഇന്ത്യൻ അത്ലറ്റ് ആയ ശാന്തി സൗന്ദരരാജനും എതിരെയും പല നടപടികളും ഉണ്ടായിരുന്നു.