ഒളിമ്പിക്സ് പുരുഷ ഫുട്ബോളിൽ ഐവറി കോസ്റ്റിനോട് ബ്രസീലിനു സമനില. ഗോൾരഹിതമായാണ് മത്സരം അവസാനിച്ചത്. തുടക്കത്തിൽ തന്നെ ഒരു ചുവപ്പ് കാർഡ് ബ്രസീലിനെ 10പേരാക്കി ചുരുക്കി. ഡഗ്ളസ് ലൂയിസ് ആണ് ചുവപ്പ് കാർഡ് കണ്ടത്. പക്ഷെ ആ ഒരാളുടെ നേട്ടം മുതലെടുക്കാൻ ഐവറി കോസ്റ്റിനായില്ല. രണ്ടാം പകുതിയിൽ ഐവറി കോസ്റ്റിനും ചുവപ്പ് കാർഡ് കിട്ടായതോടെ കളി ഒരുപോലെ ആയി. ഈ സമനിലയോടെ ഇരു ടീമുകളും 4 പോയിന്റിൽ നിൽക്കുകയാണ്. ബ്രസീൽ ആദ്യ മത്സരത്തിൽ ജർമനിയെ പരാജയെപ്പടുത്തിയിരുന്നു. ഈ 4 പോയിന്റ് മതിയാകും രണ്ടു ടീമുകൾക്കും ക്വാർട്ടറിൽ എത്താൻ എന്നാണ് പ്രതീക്ഷിക്കപ്പെടുന്നത്. ഗ്രൂപ്പിലെ മറ്റൊരു മത്സരത്തിൽ സൗദി അറേബ്യയെ ജർമ്മനി തോൽപിച്ചു. ജർമ്മനി മൂന്ന് പോയിന്റുമായി ഗ്രൂപ്പിൽ മൂന്നാമത് നിൽക്കുകയാണ്. അവസാന മത്സരത്തിൽ ജർമ്മനി ഐവറി കോസ്റ്റിനെയും ബ്രസീൽ സൗദി അറേബ്യയെയും നേരിടും.