ഏറെ പ്രതീക്ഷയുണ്ടായിരുന്ന ഷൂട്ടിംഗിൽ ഇന്ത്യയുടെ നിരാശാജനകമായ പ്രകടനം തുടരുന്നു.ഇന്ന് 50 മീറ്റര് റൈഫിൾ 3 പൊസിഷനിൽ ഇന്ത്യന് താരങ്ങളായ അഞ്ജും മൗഡ്ഗില്ലും തേജസ്വിനി സാവന്തും യോഗ്യതയില്ലാതെ പുറത്താകുകയായിരുന്നു.
തേജസ്വിന് വെറും 33ാം സ്ഥാനത്താണ് അവസാനിച്ചത്. നീലിംഗ്(384), പ്രോൺ(394) സ്റ്റാന്ഡിംഗ്(376) എന്നിങ്ങനെ 1154 പോയിന്റാണ് തേജസ്വിനി നേടിയത്.
അതേ സമയം അഞ്ജും മൗഡ്ഗിൽ 1167 പോയിന്റ് നേടി 15ാം സ്ഥാനത്തുമെത്തി. നീലിംഗ്(390), പ്രോൺ(395) എന്നിങ്ങനെ സ്കോര് ചെയ്ത് എട്ടാം സ്ഥാനത്തായിരുന്നുവെങ്കിലും മൗഡ്ഗിൽ സ്റ്റാന്ഡിംഗിൽ 382 പോയിന്റ് മാത്രം നേടിയപ്പോള് 15ാം സ്ഥാനത്തേക്ക് പിന്തള്ളപ്പെടുകയായിരുന്നു.