കേരള ഫൂട്ബോൾ അസ്സോസിയേഷൻ അക്കാദമി ലീഗ്‌ മത്സരങ്ങൾക്ക് ഇന്ന് തുടക്കം

indian football kerala football

കേരള ഫൂട്ബോൾ അസ്സോസിയേഷന്റെ അണ്ടർ 12 അക്കാദമി ലീഗ്‌ മൽസരങ്ങൾക്ക്‌ ഇന്നു വിവിധ ജില്ലകളിൽ തുടക്കമാകും. കെ.എഫ്‌.എയുടെ അക്കാദമി അക്ക്രെഡിഷൻ നേടിയ ടീമുകൾക്ക്‌ മാത്രമാണു ഈ ടൂർണ്ണമെന്റിൽ പങ്കെടുക്കാനവുക.

ടൂർണമന്റ്‌ ഫോർമ്മാറ്റ്‌

  • ഫേസ്‌ 1 : ജില്ലാ തലം. ജില്ലക്കകത്തെ ടീമുകൾ ലീഗ്‌ ഫോർമ്മാറ്റിൽ ഹോം-എവേ മൽസരങ്ങൾ കളിച്ചു ഒന്നാം സ്ഥാനത്തെത്തുന്ന ടീം അടുത്ത റൗണ്ടിലേക്ക്‌ യോഗ്യത നേടും.
  • ഫേസ്‌ 2 : യോഗ്യത നേടിയെത്തിയ ടീമുകളെ 3 ഗ്രൂപ്പുകളിലായി തിരിച്ചുള്ള മൽസരങ്ങൾ ;
    1. നോർത്ത്‌ സോൺ
    2. സെന്റ്രൽ സോൺ
    3. സൗത്ത്‌ സോൺ
  • ഫേസ്‌ 3 : യോഗ്യത നേടിയെത്തുന്ന ടീമുകളെ 2 ഗ്രൂപ്പുകളിലായി തിരിച്ച്‌ ഏക പാദ മൽസരങ്ങൾ തുടർന്നു ഇരു ഗ്രൂപ്പുകളിൽ നിന്നും ആദ്യ സ്ഥാനത്തെത്തുന്ന 2 ടീമുകൾ വീതം സെമി ഫൈനലിനും തുടർന്നു ഫൈനലിനും യോഗ്യത നേടും.

അണ്ടർ 12 ടൂർണ്ണമെന്റിനു പുറമേ അണ്ടർ 10, അണ്ടർ 14, അണ്ടർ 16, അണ്ടർ 18 കാറ്റഗറികളിലും ടൂർണമന്റ്‌ നടത്തുന്ന കെ.എഫ്‌.എയുടെ ഈ നീക്കത്തെ അഭിനന്ദിക്കാതിരിക്കാനാകില്ല, നിലവിൽ ഒരു കൂട്ടം അക്കാദമികളുള്ള കേരളത്തിൽ ഈ ടൂർണ്ണമന്റ്‌ വളരെ അത്യാവശ്യമായ ഒന്നാണു. ഒരുപാട്‌ വളർന്നു വരുന്ന താരങ്ങൾക്ക്‌ അവസരം നൽകുന്ന ഈ ടൂർണ്ണമെന്റുകൾ ഭാവിയിൽ പെൺകുട്ടികളുടെ വിഭാഗത്തിലുമുണ്ടാകുമെന്നു പ്രതീക്ഷിക്കുന്നു.

Previous articleകേരള ബ്ലാസ്റ്റേഴ്‌സ് ഫാൻസ്
Next articleമുംബൈക്കെതിരെ സ്വന്തം മണ്ണിൽ കണക്ക് തീർക്കാൻ നോർത്ത് ഈസ്റ്റ്‌