അയര്‍ലണ്ടിനെതിരെ 4-2ന്റെ അനായാസ ജയം കൈക്കലാക്കി ഇംഗ്ലണ്ട്. ഇരു പകുതികളിലായി 6 ഗോളുകള്‍ പിറന്ന മത്സരത്തില്‍ ആദ്യ പകുതിയില്‍ ഡേവിഡ് കോണ്ടോന്‍ നേടിയ ഗോളില്‍ ഇംഗ്ലണ്ട് മുന്നിലായിരുന്നു. രണ്ടാം പകുതിയില്‍ അയര്‍ലണ്ട് ക്രിസ് കാര്‍ഗോയിലൂടെ സമനില ഗോള്‍ കണ്ടെത്തി. 37ാം മിനുട്ടില്‍ ഇംഗ്ലണ്ട് ലിയാം ആന്‍സെല്ലിലൂടെ ലീഡ് നേടിയെങ്കിലും ആ ലീഡിനു സെക്കന്‍ഡുകള്‍ മാത്രമായിരുന്നു ആയുസ്സ്. ഷെയിന്‍ നേടിയ ഗോളിലൂടെ അയര്‍ലണ്ട് സ്കോര്‍ 2-2നു തുല്യമാക്കി.
എന്നാല്‍ തൊട്ടടുത്ത നിമിഷം ജെയിംസ് ഗാല്‍ വീണ്ടും ഇംഗ്ലണ്ടിനെ മുന്നിലെത്തിച്ചു. മത്സരത്തിന്റെ അവസാന നിമിഷം മാര്‍ക്ക് ഗ്ലെഗ്ഹോണ്‍ ഇംഗ്ലണ്ടിന്റെ നാലാം ഗോളും നേടി.
