ക്വാര്‍ട്ടര്‍ കാണാതെ പാക്കിസ്ഥാന്‍ പുറത്ത്, ബെല്‍ജിയത്തിനോട് നാണംകെട്ട തോല്‍വി

ഹോക്കി ലോകകപ്പില്‍ നിന്ന് പുറത്തായി പാക്കിസ്ഥാന്‍. ഇന്ന് നടന്ന ക്രോസ് ഓവര്‍ മത്സരത്തില്‍ ഏകപക്ഷീയമായ 5 ഗോളുകളുടെ വിജയം നേടി ബെല്‍ജിയം ആണ് പാക്കിസ്ഥാന്റെ പുറത്താകല്‍ സാധ്യമാക്കിയത്. ആദ്യ പകുതിയില്‍ 3-0നു മുന്നിലായിരുന്നു ബെല്‍ജിയം. രണ്ടാം പകുതിയില്‍ രണ്ട് ഗോള്‍ കൂടി നേടി ബെല്‍ജിയം ക്വാര്‍ട്ടര്‍ ഉറപ്പാക്കി. ക്വാര്‍ട്ടറില്‍ ജര്‍മ്മനിയാണ് ബെല്‍ജിയത്തിന്റെ എതിരാളികള്‍.

അലക്സാണ്ടര്‍ ഹെന്‍ഡ്രിക്സ് പത്താം മിനുട്ടില്‍ ആരംഭിച്ച ഗോള്‍ സ്കോറിംഗ് തോമസ് ബ്രൈല്‍സ്, സെഡ്രിക് ാര്‍ലിയര്‍, സെബാസ്റ്റ്യന്‍ ഡോക്കിയര്‍, ടോം ബൂണ്‍ എന്നിവര്‍ തുടര്‍ന്ന് ബെല്‍ജിയത്തിനു വലിയ വിജയം സമ്മാനിക്കുകയായിരുന്നു.