ആറെണ്ണമടിച്ച് ബെല്‍ജിയം, ഇംഗ്ലണ്ടിനെ ഗോളില്‍ മുക്കി ഫൈനലിലേക്ക്

ഹോക്കി ലോകകപ്പ് ഫൈനലിലേക്ക് യോഗ്യത നേടി ബെല്‍ജിയം. ഇന്ന് നടന്ന ആദ്യ സെമി ഫൈനലില്‍ ഏകപക്ഷീയമായ ആറ് ഗോള്‍ ജയമാണ് ബെല്‍ജിയം ഇന്ന് സ്വന്തമാക്കിയത്. മത്സരത്തിന്റെ ആദ്യ പകുതിയില്‍ രണ്ട് ഗോളുകള്‍ക്ക് ബെല്‍ജിയം മുന്നിലായിരുന്നു. രണ്ടാം പകുതിയില്‍ 4 ഗോളുകള്‍ കൂടി നേടി ബെല്‍ജിയം ഫൈനല്‍ സ്ഥാനം ഉറപ്പിക്കുകയായിരുന്നു.

ടോം ബൂണ്‍ എട്ടാം മിനുട്ടില്‍ തുടങ്ങിയ ഗോള്‍ സ്കോറിംഗ് 53ാം മിനുട്ടില്‍ സെബാസ്റ്റ്യന്‍ ഡോക്കിയര്‍ ആണ് അവസാനിപ്പിച്ചത്. അലക്സാണ്ടര്‍ ഹെന്‍ഡ്രിക്സ് രണ്ട് ഗോള്‍ നേടിയപ്പോള്‍(42, 45) സൈമണ്‍ ഗോഗ്നാര്‍ഡ്(19), സെഡ്രിക് ചാര്‍ളിയര്‍(45) എന്നിവരും ഓരോ ഗോളുകള്‍ നേടി.