ഇംഗ്ലണ്ടിനെ രണ്ട് ഗോള്‍ ജയം നേടി നെതര്‍ലാണ്ട്സ് സെമിയില്‍, എതിരാളികള്‍ ഓസ്ട്രേലിയ

ഇംഗ്ലണ്ടിനെതിരെ വനിത ഹോക്കി ലോകകപ്പ് മത്സരത്തില്‍ ഏകപക്ഷീയമായ രണ്ട് ഗോള്‍ ജയം സ്വന്തമാക്കി നെതര്‍ലാണ്ട്സ്. ഇന്നലെ നടന്ന അവസാന ക്വാര്‍ട്ടര്‍ ഫൈനല്‍ മത്സരത്തില്‍ ഇരു പകുതികളിലായി നേടി ഗോളുകളുടെ ബലത്തില്‍ 2-0 എന്ന സ്കോറിനാണ് നെതര്‍ലാണ്ട്സ് ജയം ഉറപ്പാക്കിയത്. മത്സരത്തില്‍ 14ാം മിനുട്ടില്‍ ലിഡ്‍വിജ് വെള്‍ട്ടെന്‍ നെതര്‍ലാണ്ട്സിനെ മുന്നിലെത്തിച്ചു. ആദ്യ പകുതിയില്‍ ഈ ഗോളിനു ടീം മുന്നിലായിരുന്നു.

രണ്ടാം പകുതി ആരംഭിച്ച് മിനുട്ടുകള്‍ക്കുള്ളില്‍ ലൗറിന്‍ ല്യൂറിങ്ക് നെതര്‍ലാണ്ട്സിന്റെ രണ്ടാം ഗോള്‍ നേടി. ഇരു ഗോളുകളും ഫീല്‍ഡ് ഗോളുകളായിരുന്നു. സെമിയില്‍ ഓസ്ട്രേലിയയാണ് നെതര്‍ലാണ്ട്സിന്റെ എതിരാളി.

കൂടുതൽ കായിക വാർത്തകൾക്ക് : www.facebook.com/FanportOfficial