വനിത ഹോക്കി ലോകകപ്പ് പൂള്‍ സി മത്സരത്തില്‍ സ്പെയിനിനെ വീഴ്ത്തി ജര്‍മ്മനി. മറ്റൊരു മത്സരത്തില്‍ അര്‍ജന്റീന ദക്ഷിണാഫ്രിക്ക പോരാട്ടം സമനിലയില്‍ അവസാനിച്ചു. 3-1 എന്ന സ്കോറിനാണ് ജര്‍മ്മനി സ്പെയിനിനെ വീഴ്ത്തിയത്. അഞ്ചാം മിനുട്ടില്‍ ആനി ശ്രോഡര്‍ ജര്‍മ്മനിയെ മുന്നിലെത്തിച്ചു. ആദ്യ പകുതി അവസാനിക്കുന്നതിനു മുമ്പ് മരിയ ലോപസ് സ്പെയിനിന്റെ സമനില ഗോള്‍ നേടി. 1-1 നു രണ്ടാം പകുതി ആരംഭിച്ച ശേഷം 37, 40 മിനുട്ടുകളില്‍ സെലിന്‍ ഒരൂസ്, വിക്ടോറിസ ഹൂസ് എന്നിവര്‍ ജര്‍മ്മനിയുടെ വിജയ ഗോളുകള്‍ നേടി.
പൂള്‍ സിയില്‍ ഇന്നലെ നടന്ന രണ്ടാം മത്സരത്തില്‍ 1-1 എന്ന സ്കോറിനാണ് ദക്ഷിണാഫ്രിക്ക അര്‍ജന്റീന പോരാട്ടം സമനിലയില്‍ അവസാനിച്ചത്. ആദ്യ പകുതിയുടെ അവസാനത്തില്‍ ജേഡ് മെയിന്‍ ദക്ഷിണാഫ്രിക്കയ്ക്ക് ലീഡ് നല്‍കിയെങ്കിലും 47ാം മിനുട്ടില്‍ മരിയ ഗ്രനാറ്റോ അര്‍ജന്റീനയുടെ സമനില ഗോള്‍ കണ്ടെത്തി.
ഗ്രൂപ്പില്‍ നിന്ന് അര്‍ജന്റീനയും സ്പെയിനും ക്രോസ് ഓവര്‍ മത്സരങ്ങള്‍ക്കായി യോഗ്യത നേടി.
കൂടുതൽ കായിക വാർത്തകൾക്ക് : www.facebook.com/FanportOfficial
