Category: Formula One

കോവിഡ് കാലത്തെ ലോക് ഡോണിന് ശേഷമുള്ള 2020 തിലെ ആദ്യ ഫോർമുല വൺ റേസിൽ ആവേശക്കാഴ്‌ച്ചകൾ. ഓസ്ട്രിയയിൽ നടന്ന ആദ്യ റേസിന് മുമ്പ് ബ്ലാക്ക് ലൈഫ്‌സ് മാറ്റർ പ്രതിഷേധങ്ങൾക്ക് പിന്തുണ അർപ്പിച്ചു താരങ്ങൾ മുട്ടുകുത്തി ഇരുന്നാണ് സീസണിലെ ആദ്യ റേസിന് ഓസ്ട്രിയയിൽ തുടക്കം കുറിച്ചത്. ബ്ലാക്ക് ലൈവ്‌സ് മാറ്റർ തന്റെ ജേഴ്‌സിയിൽ അണിഞ്ഞ് ആണ് ഹാമിൾട്ടൻ റേസിന് എത്തിയത്. അതേസമയം ഫെരാരിയുടെ ചാൾസ് ലെക്ലെർക്ക്, റെഡ് ബുള്ളിന്റെ മാർക്സ് വെർസ്റ്റാപ്പൻ അടക്കം 6 ഡ്രൈവർമാർ മുട്ടു കുത്തി ഇരിക്കാൻ തയ്യാർ ആവാത്തതും കണ്ടു. നിരവധി ഡ്രൈവർമാർ പല വിധ പ്രശ്നങ്ങളുമായി റേസ് പൂർത്തിയാക്കാൻ ആവാത്തത് ആണ് ആദ്യ റേസിൽ തന്നെ കണ്ടത്. പോൾ പൊസിഷനിൽ തുടങ്ങിയ മെഴ്‌സിഡസ് ഡ്രൈവർ ബോട്ടാസ് മികച്ച ലീഡ് തുടക്കം മുതൽ തന്നെ നിലനിർത്തുകയും ആദ്യ സ്ഥാനത്ത് റേസ് അവസാനിപ്പിക്കുകയും ചെയ്തു.

അതേസമയം ഫെരാരിയുടെ ചാൾസ് ലെക്ലെർക്ക് ആണ് രണ്ടാമത് എത്തിയത് തന്റെ കരിയറിലെ ആദ്യ പോഡിയം ഫിനിഷ് ചെയ്ത മക്ലാരന്റെ ലാന്റോ നോറിസ് മൂന്നാം സ്ഥാനത്ത് എത്തി. പോഡിയം ഫിനിഷ് ചെയ്യുന്ന എഫ് 1 ചരിത്രത്തിലെ തന്നെ ഏറ്റവും പ്രായം കുറഞ്ഞ മൂന്നാമത്തെ താരമായി ഇതോടെ നോറിസ്. റേസിൽ രണ്ടാം സ്ഥാനത്ത് എത്തിയത് മെഴ്‌സിഡസിന്റെ ലൂയിസ് ഹാമിൾട്ടൻ ആണെങ്കിലും റെഡ് ബുൾ ഡ്രൈവർ ആൽബോനും ആയി കൂട്ടിയിടിച്ചതിനാൽ ബ്രിട്ടീഷ് ഡ്രൈവർക്ക് 5 സെക്കന്റ് പിഴ വിധിക്കുക ആയിരുന്നു. ഇതോടെ മൂന്നാമത് എത്തിയ ചാൾസ് രണ്ടാമതും നാലാമത് എത്തിയ നോറിസ് മൂന്നാമതും എത്തി.

ഏറ്റവും മികച്ച പ്രകടനം കാഴ്ച വച്ച ആൽബോൻ 10 ലാപ്പുകൾ ബാക്കിയുള്ളപ്പോൾ രണ്ടാമതുള്ള ഹാമിൾട്ടനെ മറികടക്കും എന്നുറപ്പിച്ചത് ആണ് എന്നാൽ തന്നെ പൊസിഷൻ വിട്ട് കൊടുക്കാൻ ഹാമിൾട്ടൻ തയ്യാറാകാത്തത് ആൽബോന്റെ കാർ ഹാമിൾട്ടന്റെ കാറുമായി ഇടിക്കാൻ കാരണമായി. ഇതോടെ ആൽബോൻ റേസ് അവസാനിപ്പിക്കാൻ നിർബന്ധിതനായി. ഇതിനാണ് പിന്നീട് നിലവിലെ ലോക ചാമ്പ്യനു 5 സെക്കന്റ് പിഴ വിധിച്ചത്‌. അവസാന ലാപ്പിൽ ഏറ്റവും മികച്ച സ്പീഡിൽ ലാപ്പ് ഫിനിഷ് ചെയ്ത് ആണ് നോറിസ് മൂന്നാം സ്ഥാനത്ത് എത്തിയത്. ഇതോടെ 20 കാരൻ ആയ നോറിസ് പോഡിയം ഫിനിഷ് ചെയ്യുന്ന ഏറ്റവും പ്രായം കുറഞ്ഞ ബ്രിട്ടീഷ് ഡ്രൈവർ കൂടിയായി. രണ്ടാം സ്ഥാനം നഷ്ടമായി എങ്കിലും അഞ്ചാമത് റേസ് തുടങ്ങിയ ഹാമിൾട്ടനു നാലാം സ്ഥാനം കൊണ്ട് തൃപ്തിപെടാം. അതേസമയം തന്റെ കരിയറിൽ ആദ്യമായി പത്താം സ്ഥാനത്ത് റേസ് അവസാനിപ്പിക്കാൻ ആയിരുന്നു ഫെരാരിയുടെ മുൻ ലോക ചാമ്പ്യൻ സെബ്യാസ്റ്റൻ വെറ്റലിന്റെ വിധി. അടുത്ത ആഴ്ച ഓസ്ട്രിയയിൽ തന്നെയാണ് രണ്ടാം ഗ്രാന്റ് പ്രീയും നടക്കുക.

ജൂലൈ 3 ന് ഓസ്ട്രിയ ഗ്രാൻപ്രീയോടു കൂടി ഈ വർഷത്തെ ഫോർമുല വൺ കാറോട്ടമത്സരങ്ങൾക്കു തുടക്കമാവുന്നു. അന്താരാഷ്ട്ര വാഹന സംഘടനയായ(FIA)ആണ് ഫോർമുല വൺ മത്സരങ്ങൾ നടത്തുന്നത്. ലോകത്തെ പല രാജ്യങ്ങളിൽ ഉള്ള ട്രാക്കുകളിൽ നടക്കുന്ന മത്സരങ്ങളിൽ ഏറ്റവും കൂടുതൽ പോയിന്റ്‌ നേടി വിജയിക്കുന്ന ആൾ ആണ് ആ വർഷത്തെ ലോക ഫോർമുല വൺ ചാമ്പ്യൻ ആകുന്നത്.

മാർച്ച് 15 ന് ഓസ്ട്രേലിയൻ ഗ്രാൻപ്രീയോടു കൂടി 2020 സീസൺ ഫോർമുല വൺ കാറോട്ടമത്സരങ്ങൾക്കു തുടക്കമാകേണ്ടിരുന്നതാണ് .എന്നാൽ കൊറോണ വൈറസ് ലോകമാകെ പകർത്തിയ ഭീതികാരണം നിർത്തി വെച്ചേക്കുകയായിരുന്നു.ഈ വർഷത്തെ മത്സരങ്ങൾ പല രാജ്യങ്ങളും ഒഴിവാക്കി.2020 സീസൺ ഉണ്ടാവില്ല എന്ന് ജനവിധി എഴുതിയവർക്ക് പ്രഹരം പോലെ ആയിരുന്നു എഫ് വൺ പുറത്തു വിട്ടത്. ചില ഉപാധികളോടെ എട്ട് മത്സരങ്ങൾ നടത്താം.

സെബാസ്റ്റ്യൻ വെറ്റൽ,ലുയിസ് ഹാമിൽട്ടൻ ഫാൻസിനും, ഫോർമുല വൺ ആരാധകർക്കും ആഘോഷിക്കാൻ ഇനി വേറെ എന്ത് വേണം. ഏവരും ഉറ്റുനോക്കുന്ന ഒരു ഫോർമുല വൺ സീസൺ കൂടി ആയിരിക്കും 2020. എഫ് വൺ ഇതിഹാസം മൈക്കൾ ഷൂമാക്കരുടെ പല റെക്കോർഡുകളും നിലവിലെ ചാമ്പ്യൻ ആയ ലുയിസ് ഹാമിൽട്ടൻ കൈപ്പിടിയിൽ ഒതുക്കും എന്നാണ് എഫ് വൺ ലെ പ്രഗൽഭർ അഭിപ്രായപ്പെടുന്നത്. കൂടാതെ സെബാസ്റ്റ്യൻ വെറ്റലിന്റെ തിരിച്ചു വരവ് ആഗ്രഹിക്കുന്നവരുമാണ് ഭൂരിഭാഗം വരുന്ന എഫ് വൺ ആരാധകർ.

എഫ് വൺ പ്രേമികൾ നമ്മുടെ ഈ കൊച്ചു കേരളത്തിലും ഉണ്ട്. അധികം വേരോട്ടമില്ലാത്ത എഫ് വൺ ആരാധകരുടെ വലിയൊരു ഫാൻസ് കൂട്ടായ്‌മ ആയ “എഫ് വൺ ഫാൻസ് ക്ലബ്ബ് കേരള ” വളരെ കുറച്ചു പേരുമായി ഒത്തുചേർന്ന് ഫേസ്ബുക്കിൽ കഴിഞ്ഞ വർഷം ഒക്ടോബർ മാസം ഗ്രൂപ്പ് അരഭിക്കുകയും,പിന്നീട് ഒരു വലിയ ഒരു ഫാൻ ബേസ് ആകുകയും ചെയ്തു. 2020 സീസൺ വലിയ ആഘോഷമാക്കാൻ ആണ് ആരാധക കൂട്ടായ്മയുടെ തീരുമാനം എന്ന് എഫ് വൺ കൂട്ടായ്മയുടെ ഭരവാഹികളിൽ ഒരാളായ ഇർഷാദ് നിലമ്പൂർ പറഞ്ഞു.
സീസൺ അടുക്കുമ്പോൾ ഒരു പിടി പ്രോഗ്രാം ആയാണ് ഈ ഫാൻസ് ക്ലബിന്റെ വരവ്.

സീസനോട് അനുബന്ധിച്ച് നടത്താൻ ഉദ്ദേശിക്കുന്നു .

1.ചർച്ച വേദി : കഴിഞ്ഞ സീസീസൺ കുറിച്ചുള്ള ഒരു സംവാദം ,പല ടീമുകൾക്കു ഉണ്ടായ ഉയർച്ചകളും,താഴ്ചകളേയും കുറിച്ചൊരു വിശദീകരിച്ചൊരു ചർച്ചക്ക് വഴി ഒരുക്കുകയും എഫ് വൺ കേരള ഫാൻസിന് ഒത്തുകൂടാനും വേണ്ടി നടത്താൻ ഉദ്ദേശിക്കുന്നു.

2.ലൈവ് സ്‌ട്രീമിംഗ്‌ :- ടെലിവിഷനിലും, മറ്റു ഓൺലൈൻ പ്ലാറ്റ് ഫോമുകളിൽ നിന്നും എഫ് വൺ മത്സരങ്ങൾ കാണുന്നതിന് പകരം ഒന്നിച്ചു ബിഗ് സ്ക്രീനിൽ കാണാനും വഴിയൊരുക്കുന്നു.
കേരളത്തിൽ ഫോർമുല വണ്ണിനു വരും നാളുകളിൽ വലിയ സ്വീകാര്യത ലഭിക്കുമെന്നു ഫാൻസ് ക്ലബ്ബ് ഭാരവാഹികളായ ആഷിഖ് നമ്പിപറമ്പിൽ, ദിൽഷാദ്, റിംഷാദ്, ശരിഷ്, ഇർഷാദ് നിലമ്പൂർ എന്നിവർ അറിയിച്ചു.

കൊറോണ വൈറസ് കാരണം നീണ്ടുപോയ 2020 ലെ ഫോർമുല വൺ സീസണിനു അടുത്ത മാസം അഞ്ചാം തിയതി തുടക്കമാവും. ഓസ്ട്രിയയിൽ നടക്കുന്ന റേസിലൂടെ എഫ് വൺ തുടങ്ങും എന്നാണ് അധികൃതർ നിലവിൽ അറിയിച്ചിരിക്കുന്നത്. നേരത്തെ നിരവധി ഗ്രാന്റ് പ്രീകൾ കൊറോണ മൂലം റദ്ദാക്കേണ്ടി വന്നിരുന്നു. നിലവിൽ ആദ്യത്തെ 8 റേസുകളുടെ മത്സരക്രമങ്ങൾ ആണ് അധികൃതർ പുറത്ത് വിട്ടത്. ജൂലൈ 5 നു ഓസ്ട്രിയയിൽ ആദ്യ റേസ് നടക്കുമ്പോൾ അവിടെ തന്നെ ജൂലൈ 12 നു രണ്ടാം റേസ് നടക്കും.

ജൂലൈ 19 നു ഹംഗറിയിൽ മൂന്നാം ഗ്രാന്റ് പ്രീ നടക്കുമ്പോൾ ഓഗസ്റ്റ് 2 നും 9 തിനും ആയി ബ്രിട്ടനിൽ നാലും അഞ്ചും ഗ്രാന്റ് പ്രീകൾ നടക്കും. ഓഗസ്റ്റ് 16 നു ബാഴ്‌സലോണയിൽ ആറാം ഗ്രാന്റ് പ്രീ നടക്കുമ്പോൾ ബെൽജിയം ഓഗസ്റ്റ് 30 തിനു ഏഴാം ഗ്രാന്റ് പ്രീക്ക് വേദി ആകും. സെപ്റ്റംബർ ആറിന് ഇറ്റലിയിൽ എട്ടാം ഗ്രാന്റ് പ്രീ നടക്കുന്ന വിധം ആണ് ഇത് വരെ റേസിംഗ് ക്രമം പ്രഖ്യാപിച്ചത്. നിലവിൽ ആദ്യ റേസുകളിൽ കൊറോണ മൂലം കാണികൾക്ക് പ്രവേശനം ഉണ്ടാവില്ല എന്നാൽ തുടർന്ന് കാണികളെ പ്രവേശിപ്പിക്കാൻ ആയാൽ അതിനു ശ്രമിക്കും എന്നും അധികൃതർ പറഞ്ഞു. ഏതാനും ആഴ്ചകൾക്ക് അകം വലിയ മത്സരാക്രമം അധികൃതർ പുറത്ത് വിടാൻ ആണ് സാധ്യത. നിലവിൽ ഡിസംബറിന് മുമ്പ് 15 മുതൽ 18 വരെ റേസുകൾ കൊണ്ട് സീസൺ അവസാനിപ്പിക്കാൻ ആവും അധികൃതർ ശ്രമിക്കുക.

വെറ്റലിന് പകരക്കാരൻ ആയി കാർലോസ് സെൻസ് ഫെരാരിയിൽ പോകുന്നതോടെ മക്ലാരനിൽ സെൻസിന് പകരക്കാരൻ ആയി ഡാനിയേൽ റിക്കിയാർഡോ എത്തും. 2019 ൽ മക്ലാരനും ആയി കരാറിൽ എത്തും എന്നു പ്രതീക്ഷിച്ച ഡ്രൈവർ ആണ് ഓസ്‌ട്രേലിയക്കാരൻ ആയ റിക്കിയാർഡോ. എന്നാൽ അന്ന് റെഡ് ബുള്ളിൽ നിന്നു റെനാൾട്ടിലേക്ക് ആണ് റിക്കിയാർഡോ പോയത്. കഴിഞ്ഞ വർഷം മക്ലാരനു പിറകിൽ അഞ്ചാമത് ആയി ആണ് റെനാൾട്ട് സീസൺ അവസാനിപ്പിച്ചത്.

2021 മുതൽ മെഴ്‌സിഡസിന്റെ എഞ്ചിൻ ഉപയോഗിക്കാൻ മക്ലാരൻ തീരുമാനിച്ചത് റിക്കിയാർഡോയുടെ തീരുമാനത്തെ സ്വാധീനിച്ചിട്ടുണ്ട്. 30 വയസ്സ് കാരൻ ആയ ഡാനിയേൽ റിക്കിയാർഡോയെ സ്വന്തമാക്കാൻ സാധിച്ചത് മക്ലാരനു വലിയ നേട്ടം ആണ്. മികച്ച ഡ്രൈവർ ആയ റിക്കിയാർഡോ റെഡ് ബുള്ളിൽ നിരവധി ഗ്രാന്റ് പ്രീ ജയങ്ങൾ നേടിയ ഡ്രൈവർ കൂടിയാണ്. നിലവിൽ തങ്ങളുടെ യുവ ഡ്രൈവർമാരിൽ ആരെയോ അല്ലെങ്കിൽ ലോക ചാമ്പ്യന്മാർ ആയ ഫെർണാണ്ടോ അലോൺസോ, സെബാസ്റ്റ്യൻ വെറ്റൽ എന്നിവരിൽ ആരെയോ റെനാൾട്ട് റിക്കിയാർഡോക്ക് പകരക്കാരൻ ആക്കും എന്നാണ് സൂചന.

സെബാസ്റ്റ്യൻ വെറ്റൽ 2020 അവസാനത്തോടെ ഫെറാറി വിടുമെന്ന് അറിയിച്ചതിനു പിന്നാലെ ഫെറാറി പകരക്കാരനെ സൈൻ ചെയ്തു. മക്ലെരെൻ ഡ്രൈവ്വറായ കാർലോസ് സൈൻസ് ആകും ഫെറാറിയിൽ എത്തുക. താരം ഫെറാറിയുമായി കരാർ ഒപ്പുവെച്ചു. രണ്ട് തവണ ലോക ചാമ്പ്യനായിട്ടുള്ള കാർലോസ് സൈൻൻസ് സീനിയറിന്റെ മകനാണ് സൈൻസ്.

സൈൻ മക്ലരൻ വിടുമ്പോൾ അവിടെ പകരക്കാരനായി റികിയാർഡോ എത്തും. കഴിഞ്ഞ ദിവസം ഫെറാറിയുമായുള്ള കരാർ ചർച്ചകളിൽ ഉടക്കിയായിരുന്നു വെറ്റൽ ടീം വിടും എന്ന് അറിയിച്ചത്. 2015 മുതൽ ഫെറാറിയുടെ ഒന്നാം ഡ്രൈവർ ആയിരുന്നു വെറ്റൽ. ഇനി ഫെറാറിയിൽ സൈൻസിന്റെയും ചാൾസ് ലെക്ലെർകിന്റെയും കൂട്ടുകെട്ട് കാണാൻ ആവും. ഇരുവരും ഫെറാറിയെ അടുത്ത സീസണിൽ വളരെ അധികം മുന്നോട്ട് നയിക്കും എന്നാണ് നിരീക്ഷകർ പ്രവചിക്കുന്നത്.

സെബാസ്റ്റ്യൻ വെറ്റൽ 2020 അവസാനത്തോടെ ഫെറാറി വിടുമെന്ന് അറിയിച്ചു. ഫെറാറിയുമായുള്ള കരാർ ചർച്ചകളിൽ ഉടക്കിയാണ് വെറ്റൽ ടീം വിടുന്നത്. 2015 മുതൽ ഫെറാറിയുടെ ഒന്നാം ഡ്രൈവർ ആയിരുന്നു വെറ്റൽ. കായിക രംഗത്ത് മികച്ച ഫലം ലഭിക്കണം എങ്കിൽ എല്ലാവരും തമ്മിൽ പൊരുത്തം ആവശ്യമുണ്ട് എന്നും അതില്ലാത്തത് കൊണ്ടാണ് താൻ കരാർ പുതുക്കാത്തത് എന്നും വെറ്റൽ പറഞ്ഞു.

ഫെറാറിക്ക് ഒപ്പം 14 റേസുകൾ വിജയിച്ചിട്ടുള്ള താരമാണ് വെറ്റൽ. പണം അല്ല കരാർ പുതുക്കാതിരിക്കാൻ കാരണം എന്ന് 32കാരൻ പറഞ്ഞു. വെറ്റലിന് ആര് പകരക്കാരനാകും എന്നത് സംബന്ധിച്ച് വലിയ അഭ്യൂഹങ്ങൾ തന്നെ ഈ വാർത്തയോടെ ഉയരാൻ തുടങ്ങും. മക്ലെരെൻ ഡ്രൈവറായ കാർലോസ് സൈൻസ് ആകും പകരക്കാരനായി എത്തുക എന്നാണ് ഇപ്പോൾ ലഭിക്കുന്ന സൂചന. നാലുതവണ എഫ് വൺ ലോക ചാമ്പ്യൻ ആയിട്ടുണ്ട് വെറ്റലിന്റെ ഫെറാറിയിൽ നിന്നുള്ള വിടവാങ്ങൽ കായിക ലോകം പ്രതീക്ഷിച്ചിരുന്നു എങ്കിലും പ്രഖ്യാപനം സീസൺ അവസാനം മുമ്പ് ഉണ്ടാകുമെന്ന് ആരും കരുതിയില്ല

കൊറോണ ഭീഷണി ലോകകായിക രംഗത്ത് ആകെ കടുത്ത ഇരുട്ട് പരത്തുന്നു. തങ്ങളുടെ 2 ജീവനക്കാർക്ക് കൊറോണ ബാധിച്ചത് മൂലം ഓസ്‌ട്രേലിയൻ ഗ്രാന്റ് പ്രീയിൽ നിന്ന് പിന്മാറുന്നത് ആയി മക്ലാരൻ പ്രഖ്യാപിച്ചതിനു പിന്നാലെ ആണ് ഫോർമുല വൺ അധികൃതർ ഓസ്‌ട്രേലിയൻ ഗ്രാന്റ് പ്രീ ഉപേക്ഷിച്ചത് ആയി പ്രഖ്യാപിച്ചത്. നിലവിൽ 8 ഫോർമുല വൺ ജീവനക്കാർക്ക് കൊറോണ ബാധിച്ചു എന്നാണ് വാർത്തകൾ. അതിനാൽ തന്നെ ഈ കടുത്ത പ്രതിസന്ധിയിൽ ഗ്രാന്റ് പ്രീ നടത്തുന്നതിൽ നിന്ന് അവർ പിന്മാറുക ആയിരുന്നു.

നേരത്തെ തന്നെ ഇത്തരം തീരുമാനം ഉണ്ടാവേണ്ടത് ആണെന്നും അധികൃതർക്ക് വീഴ്ച പറ്റി എന്നുമുള്ള വിമർശനങ്ങളും അതിനിടയിൽ ഉയരുന്നുണ്ട്. സീസണിലെ ആദ്യ ഗ്രാന്റ് പ്രീ ആയിരുന്നു ഓസ്‌ട്രേലിയയിൽ നടക്കേണ്ടിയിരുന്നത്. നിലവിൽ ചൈനീസ് ഗ്രാന്റ് പ്രീ ഉപേക്ഷിച്ചിട്ടുണ്ട്. കൂടാതെ വിയറ്റ്‌നാം, സ്പാനിഷ്, മോണോക്കോ ഗ്രാന്റ് പ്രീകളും നടക്കും എന്നുറപ്പില്ല. സീസണിലെ രണ്ടാം റേസ് ആയ ബഹ്‌റൈൻ ഗ്രാന്റ് പ്രീയും നടന്നേക്കില്ല എന്നാണ് ഇപ്പോഴത്തെ സൂചനകൾ. അങ്ങനെ എങ്കിൽ സീസണിലെ ഫോർമുല വൺ ലോകചാമ്പ്യൻഷിപ്പ് തന്നെ ഉപേക്ഷിച്ചേക്കാം.

കൊറോണ വൈറസ് ഭീഷണി വരാനിരിക്കുന്ന ഓസ്‌ട്രേലിയൻ ഗ്രാന്റ് പ്രീക്ക് വിഷയം ആവില്ലെന്ന് വ്യക്തമാക്കി അധികൃതർ. സമയത്ത് തന്നെ ഗ്രാന്റ് പ്രീ നടത്തും എന്നാണ് അധികൃതർ ഇപ്പോൾ പ്രഖ്യാപിച്ചത്. വരുന്ന മാർച്ച് 15 നാണ് സീസണിലെ ആദ്യ ഗ്രാന്റ് പ്രീ ആയ ഓസ്‌ട്രേലിയൻ ഗ്രാന്റ് പ്രീ നടക്കാൻ ഇരിക്കുന്നത്. അതിനാൽ തന്നെ റേസ് നടക്കുമോ എന്ന ആശങ്ക പല കോണിൽ നിന്ന് ഉണ്ടായിരുന്നു. മുമ്പ് ചൈനീസ് ഗ്രാന്റ് പ്രീ മാറ്റി വച്ചത് ആയി പ്രഖ്യാപനം വന്നിരുന്നു. അതോടൊപ്പം വിയറ്റ്‌നാം ഗ്രാന്റ് പ്രീയും സമയത്ത് നടക്കുമോ എന്ന സംശയം ഉണ്ട്.

കൊറോണ വൈറസ് ലോകത്ത് വലിയ ഭീഷണി ആയി പടരുകയാണ്. 3,000 ത്തിൽ അധികം ജീവൻ എടുത്ത വൈറസ് ലോകത്ത് ഏതാണ്ട് ഒരു ലക്ഷത്തിൽ അധികം ആളുകളെ ബാധിച്ചിട്ടുണ്ട്. നിലവിൽ ചൈനക്ക് പുറമെ, ഇറ്റലി, ജപ്പാൻ, ഇറാൻ എന്നീ രാജ്യങ്ങളിലെ സ്ഥിതി അത്ര നല്ലത് അല്ല. നിരവധി കാർ നിർമാതാക്കളും, എഞ്ചിൻ നിർമാതാക്കളും ഇറ്റലി, ജപ്പാൻ രാജ്യങ്ങളിൽ നിന്നുള്ളതിനാൽ ഫോർമുല വണ്ണിന്റെ മികച്ച നടത്തിപ്പിൽ വലിയ ആശങ്ക ആണ് നിലനിൽക്കുന്നത്. എന്നാൽ പുറത്ത് നിന്നുള്ളവരുടെ വരവിൽ വലിയ മുന്നൊരുക്കങ്ങളും പരിശോധനകളും ആണ് നിലവിൽ ഓസ്‌ട്രേലിയൻ അധികൃതർ നടത്തുന്നത്. ഓസ്‌ട്രേലിയയിൽ മെൽബണിലെ 25 മത്തെ ഗ്രാന്റ് പ്രീ ആണ് നടക്കാൻ ഇരിക്കുന്നത്.