ഫോർമുല വൺ ലോക ചാമ്പ്യൻ ലൂയിസ് ഹാമിൽട്ടണ് കൊറോണ സ്ഥിരീകരിച്ചു. കഴിഞ്ഞ ദിവസം ചെറിയ ലക്ഷണങ്ങൾ കാണിച്ചതിനെ തുടർന്ന് നടത്തിയ പരിശോധനയിൽ ആണ് താരത്തിന് കൊറോണ പോസിറ്റീവ് ആണെന്ന് കണ്ടെത്തിയത്. താരം രോഗം നെഗറ്റീവ് ആകുന്നത് വരെ ഐസൊലേഷനിൽ കഴിയും. ഈ വാരാന്ത്യത്തിൽ ബഹ്റൈനിൽ വെച്ച് നടക്കുന്ന ശാകിർ ഗ്രാൻഡ് പ്രിക്സിൽ ഹാമിൾട്ടൺ പങ്കെടുക്കില്ല എന്ന് മേഴ്സിഡസ് അറിയിച്ചിട്ടുണ്ട്.
പകരം ഒരു ഡ്രൈവറെ ഇതുവരെ ഔദ്യോഗികമായി പ്രഖ്യാപിച്ചിട്ടില്ല. ബഹ്റൈനിൽ ഈ കഴിഞ്ഞ ദിവസം നടന്ന ഗ്രാൻഡ് പ്രിക്സിൽ ഹാമിൾട്ടൺ വിജയിച്ചിരുന്നു. ഇതിനകം തന്നെ ഏഴാം ലോക ചാമ്പ്യൻഷിപ്പ് ഹാമിൽട്ടൺ ഉറപ്പിച്ചിട്ടുണ്ട്.