7 ദിവസങ്ങൾക്ക് ഉള്ളിൽ തുടർച്ചയായി തന്റെ രണ്ടാം പോൾ പൊസിഷൻ നേടി ഫെരാരിയുടെ യുവ ഡ്രൈവർ ചാൾസ് ലെക്ലെർക്ക്. ബെൽജിയം ഗ്രാന്റ് പ്രീയിൽ തന്റെ ജയം ആദ്യ ജയം കുറിച്ച 21 കാരൻ അപകടവും ആശയക്കുഴപ്പവും കണ്ട ഇറ്റാലിയൻ ഗ്രാന്റ് പ്രീ യോഗ്യതയിൽ ഒന്നാമത് എത്തുകയായിരുന്നു. ഇറ്റലിയിലും തന്റെ ജയം തുടരാൻ ആവും യുവ ഡ്രൈവറുടെ ശ്രമം.
ലോകചാമ്പ്യൻ ആയ മെഴ്സിഡസിന്റെ ലൂയിസ് ഹാമിൾട്ടൻ രണ്ടാമത് എത്തിയപ്പോൾ സഹതാരം ബോട്ടാസ് മൂന്നാമത് എത്തി. ലെക്ലെർക്കിന്റെ ഫെരാരി ടീം അംഗം മുൻചാമ്പ്യൻ സെബാസ്റ്റ്യൻ വേറ്റൽ നാലാമതും ഡാനിയേൽ റിക്കാർഡോ അഞ്ചാമതും എത്തി. തുടർച്ചയായ രണ്ടാം ഗ്രാന്റ് പ്രീയിലും ജയം ആവും ലെക്ലെർക്കിന്റെ ലക്ഷ്യം. നാളെയാണ് ഇറ്റാലിയൻ ഗ്രാന്റ് പ്രീ നടക്കുക.