ചാമ്പ്യൻസ് ലീഗ്, അത്ലറ്റിക്കോ മാഡ്രിഡിനെ സമനിലയിൽ തളച്ച് മാഞ്ചസ്റ്റർ സിറ്റി

Newsroom

Download the Fanport app now!
Appstore Badge
Google Play Badge 1

വനിതാ ചാമ്പ്യൻസ് ലീഗിൽ മാഞ്ചസ്റ്റർ സിറ്റിക്ക് മികച്ച തുടക്കം. റൗണ്ട് ഓഫ് 32വിൽ എവേ മത്സരത്തിന് ഇറങ്ങിയ മാഞ്ചസ്റ്റർ സിറ്റി സ്പാനിഷ് ചാമ്പ്യന്മാരായ അത്ലറ്റിക്കോ മാഡ്രിഡിനെ സമനിലയിൽ പിടിച്ചു. നിശ്ചിത സമയത്ത് 1-1 എന്നായിരുന്നു സ്കോർ. അവസാന നിമിഷം പിറന്ന ഗോളാണ് അത്ലറ്റിക്കോ മാഡ്രിഡിന് സമനില എങ്കിലും നൽകിയത്.

കളിയിൽ ആധിപത്യം അത്ലറ്റിക്കോ മാഡ്രിഡിനായിരുന്നു എങ്കിലും ആദ്യം കിട്ടിയ ഒരു കോർണറിൽ നിന്ന് ഗോൾ നേടിക്കൊണ്ട് ബോണർ സിറ്റിക്ക് ലീഡ് നൽകി. പിന്നീട് കളിയുടെ 89ആം മിനുട്ടിൽ കെന്റി റോബ്ലസ് ആണ് അത്ലറ്റിക്കോയ്ക്ക് സമനില നേടിക്കൊടുത്തത്. ഇനി അടുത്ത ആഴ്ച സിറ്റിയുടെ ഹോമിൽ വെച്ച രണ്ടാം പാദ മത്സരം നടക്കും. എവേ ഗോൾ ഒപ്പം ഉണ്ട് എന്നത് സിറ്റിക്ക് മുൻതൂക്കം നൽകുന്നു.