അണ്ടർ 20 വനിതാ ലോകകപ്പിൽ ഗ്രൂപ്പ് ഘട്ടത്തിൽ രണ്ടാം മത്സരവും വിജയിച്ച് സ്പെയിൻ ക്വാർട്ടറിന് അടുത്തു. ഗ്രൂപ്പ് സിയിൽ നടന്ന മത്സരത്തിൽ ജപ്പാനെ എതിരില്ലാത്ത ഒരു ഗോളിനാണ് സ്പെയിൻ തോൽപ്പിച്ചത്. സ്പെയിനായി മെനായ്യൊ ആണ് ഗോൾ നേടിയത്. അദ്യ മത്സരത്തിൽ പരാഗ്വേയേയും സ്പെയിൻ തോൽപ്പിച്ചിരുന്നു. രണ്ട് മത്സരങ്ങളിൽ നിന്നായി ആറ് പോയന്റുള്ള സ്പെയിനാണ് ഇപ്പോൾ ഗ്രൂപ്പിൽ ഒന്നാമത്.
ഗ്രൂപ്പ് സിയിലെ മറ്റൊരു മത്സരത്തിൽ അമേരിക്ക പരാഗ്വേയെ തോൽപ്പിച്ചു. എതിരില്ലാത്ത ആറു ഗോളിനായിരുന്നു അമേരിക്കയുടെ വിജയം. അമേരിക്കയ്ക്കായി ദെമേലോ ഹാട്രിക്ക് നേടി. സ്മിത് ഇരട്ട ഗോളും സാഞ്ചേസ് ഒരു ഗോളും നേടി.
കൂടുതൽ കായിക വാർത്തകൾക്ക് : www.facebook.com/FanportOfficial
