അണ്ടർ 20 വനിതാ ലോകകപ്പിൽ ജപ്പാൻ സെമി ഫൈനലിലേക്ക് കടന്നു. ക്വാർട്ടർ ഫൈനലിൽ കരുത്തരായ ജർമ്മനിയെ തോൽപ്പിച്ചാണ് ജപ്പാൻ സെമിയിലേക്ക് കടന്നത്. ഒന്നിനെതിരെ മൂന്നു ഗോളുകൾക്കായിരുന്നു ജപ്പാന്റെ വിജയം. രണ്ടാം പകുതിയിൽ ആണ് കളിയിലെ നാലു ഗോളുകളും പിറന്നത്. 59ആം മിനുട്ടിൽ എൻഡോ, 70ആം മിനുട്ടിൽ ഉയേകി, 79ആം മിനുറ്റിൽ തകരദ എന്നിവരാണ് ജപ്പാനായി ഗോളുകൾ നേടിയത്.
82ആം മിനുട്ടിൽ ഒരു ഗോൾ ജർമ്മനി മടക്കി എങ്കിലും അത് ആശ്വാസ ഗോൾ മാത്രമായി. സെമിയിൽ ഇംഗ്ലണ്ടിനെയാണ് ജപ്പാൻ നേരിടുക. ഏഷ്യയിൽ നിന്ന് ഇത്തവണ സെമിയിൽ എത്തിയ ഏക ടീമാണ് ജപ്പാൻ.
കൂടുതൽ കായിക വാർത്തകൾക്ക് : www.facebook.com/FanportOfficial
