സാഫ് അണ്ടർ 18 വനിതാ കിരീടം ഇന്ത്യ സ്വന്തമാക്കി. ഇന്ന് നടന്ന അവസാന മത്സരത്തിൽ ഇന്ത്യ ബംഗ്ലാദേശിനോട് പരാജയപ്പെട്ടു എങ്കിലും ഇന്ത്യ സാഫ് കിരീടം സ്വന്തമാക്കി. ഇന്ന് എതിരില്ലാത്ത ഒരു ഗോളിനായിരുന്നു ബംഗ്ലാദേശ് വിജയിച്ചത്. ഇതോടെ ഇരു ടീമുകൾക്കും 9 പോയിന്റ് വീതം ആയി. എന്നാൽ മെച്ചപ്പെട്ട ഗോൾ ഡിഫറൻസിന്റെ ബലത്തിൽ ഇന്ത്യ ചാമ്പ്യന്മാർ ആവുകയായിരുന്നു.
ഇന്ത്യക്ക് +11 ആയിരുന്നു ഗോൾ ഡിഫറൻസ്. ബംഗ്ലാദേശിന് +3ഉം. 5 ഗോളുകളുമായി ലിൻഡ കോം ടൂർണമെന്റിലെ ടോപ് സ്കോറർ ആയി.
