23ആമത് വനിതാ സീനിയർ ഫുട്ബോൾ ചാമ്പ്യൻഷിപ്പിൽ പത്തനംതിട്ടക്ക് മൂന്നാം സ്ഥാനം. ഇന്ന് രാവിലെ മഹാരാജാസ് കോളേജിൽ വെച്ച് മലപ്പുറത്തെ നേരിട്ട പത്തനംതിട്ട പെനാൾട്ടി ഷൂട്ടൗട്ടിലാണ് വിജയം സ്വന്തമാക്കിയത്. നിശ്ചിത സമയത്ത് 1-1. എന്നായിരുന്നു സ്കോർ. പതിനാലാം മിനുട്ടിൽ അർച്ചനയിലൂടെ മലപ്പുറം ആണ് മുന്നിൽ എത്തിയത്. 69ആം മിനുട്ടിൽ നിഖില പത്തനംതിട്ടക്ക് സമനില നൽകി. കളി പെനാൾട്ടി ഷൂട്ടൗട്ടിൽ എത്തിയപ്പോൾ 4-3ന് പത്തനംതിട്ട വിജയിക്കുക ആയിരുന്നു.
നിഖില, ഉണ്ണിമായ, ശ്രീലക്ഷ്മി, ഭാഗ്യശ്രീ എന്നിവർ പത്തനംതിട്ടക്ക് വേണ്ടി പെനാൾട്ടി ലക്ഷ്യത്തിൽ എത്തിച്ചു. ഇനി ഇന്ന് വൈകിയ്യ് ഫൈനലിൽ കോഴിക്കോട് തൃശ്ശൂരിനെ നേരിടും.
