മരിയോണയ്ക്ക് പരിക്ക്, സീസൺ നഷ്ടമാകും, ബാഴ്സ കിരീട മോഹത്തിന് തിരിച്ചടി

ബാഴ്സലോണയുടെ സ്പാനിഷ് വനിതാ ലീഗ് കിരീട മോഹങ്ങൾക്ക് തിരിച്ചടി. ബാഴ്സലോണ ഫോർവേഡ് നിരയിലെ പ്രധാന താരം മരിയോണ കാൾഡെന്റെയ്ക്ക് അവസാന മത്സരത്തിൽ ഏറ്റ പരിക്കാണ് ബാഴ്സയെ തളർത്തുന്നത്. മുട്ടിന് പരിക്കേറ്റ മരിയോണ ഈ‌ സീസണിൽ കളിച്ചേക്കില്ല എന്നാണ് റിപ്പോർട്ടുകൾ.

സീസൺ മികച്ച രീതിയിൽ തുടങ്ങിയ സ്പാനിഷ് താരം ഇതിനകം ആറു ഗോളുകൾ ഈ‌ സീസണിൽ ബാഴ്സയ്ക്കായി നേടിയിരുന്നു. നാലു വർഷമായി മരിയോണ ബാഴ്സ ജേഴ്സിയിൽ കളിക്കുന്നു. അവസാന ലീഗ് മത്സരത്തിലാണ് മരിയോണയ്ക്ക് പരിക്കേറ്റത്. ആ മത്സരം ബാഴ്സ തോൽക്കുകയും ചെയ്തിരുന്നു. ബാഴ്സ ഇപ്പോൾ ലാലിഗയിൽ അത്ലറ്റിക്കോ മാഡ്രിഡിന് പിറകിൽ രണ്ടാം സ്ഥാനത്താണ്.

സ്പാനിഷ് ടീമിനും മരിയോണയുടെ പരിക്ക് വലിയ നഷ്ടമാണ്. സ്പാനിഷ് ടീമിലും സജീവ സാന്നിദ്ധ്യമായി മാറി തുടങ്ങുകയായിരുന്നു മരിയോണ.

കൂടുതൽ കായിക വാർത്തകൾക്ക് : www.facebook.com/FanportOfficial

Previous articleജയത്തോടെ ഒന്നാം സ്ഥാനമുറപ്പിച്ച് മാഞ്ചസ്റ്റർ സിറ്റി
Next articleവാര്‍ണറിനു ബാക്കപ്പായി മാക്സ്വെല്ലിനെ വിളിച്ച് ഓസ്ട്രേലിയ