യൂറോ കപ്പ് ജേതാക്കൾ ആയ ഇംഗ്ലണ്ടിന് കനത്ത തിരിച്ചടിയായി ആഴ്‌സണൽ പ്രതിരോധതാരവും ഇംഗ്ലണ്ട് ക്യാപ്റ്റനും ആയ ലീ വില്യംസണിന്റെ പരിക്ക്. മാഞ്ചസ്റ്റർ യുണൈറ്റഡിന് എതിരായ മത്സരത്തിൽ പത്ത് മിനിറ്റിനുള്ളിൽ പരിക്കേറ്റു പുറത്ത് പോയ താരത്തിന് ക്ലബ് എ.സി.എൽ ഇഞ്ച്വറി ആണെന്ന് സ്ഥിരീകരണം നൽകി. താരത്തിന് സീസണിൽ ഇനി കളിക്കാൻ ആവില്ല.
ഇതോടെ ലീ വില്യംസൺ മൂന്നു മാസത്തിനുള്ളിൽ നടക്കേണ്ട വനിത ലോകകപ്പിൽ കളിക്കില്ലെന്നു ഉറപ്പായി. ചാമ്പ്യൻസ് ലീഗ് സെമിഫൈനൽ കളിക്കാൻ ഒരുങ്ങുന്ന ആഴ്‌സണലിനും ഇത് കനത്ത തിരിച്ചടിയാണ്. ഇത് മൂന്നാമത്തെ പ്രമുഖ താരത്തെയാണ് ആഴ്‌സണലിന് എ.സി.എൽ ഇഞ്ച്വറി കാരണം ഈ സീസണിൽ നഷ്ടമാവുന്നത്. നേരത്തെ ബെത്ത് മീഡ്, വിവിയനെ മിയെദെമ എന്നിവരെയും ആഴ്‌സണലിന് എ.സി.എൽ ഇഞ്ച്വറി കാരണം നഷ്ടമായിരുന്നു.
