കേരള വനിതാ ലീഗ്: ഇന്ന് എറണാകുളം മഹാരാജാസ് സ്റ്റേഡിയത്തിൽ കണ്ടത് ഒരു ആവേശകരമായ മത്സരമായിരുന്നു. ലോർഡ്സ് എഫെയും കേരള ബ്ലാസ്റ്റേഴ്സും ഒപ്പത്തിനൊപ്പം നിന്ന മത്സരം 4-4 എന്ന നിലയിലാണ് അവസാനിച്ചത്.
ഇന്ന് കേരള വനിതാ ലീഗ് കണ്ടത് ശക്തർ തമ്മിലുള്ള പോരാട്ടമായിരുന്നു തുടക്കം മുതൽ കണ്ടത്. ആറാം മിനുട്ടിൽ തന്നെ കേരള ബ്ലാസ്റ്റേഴ്സ് ഇന്ന് ലീഡ് എടുത്തു. അപൂർണ നർസാരിയുടെ പാസ് സ്വീകരിച്ച് വലതു വിങ്ങിലൂടെ മുന്നേറിയ മാളവിക സ്കോർ ചെയ്യുക അസാധ്യം എന്നു ചെയ്യുന്ന ആങ്കിളിൽ നിന്ന് ഗോൾ നേടി. ഈ ഗോളിന് പെട്ടെന്ന് ലോർഡ് മറുപടി നൽകി. വിൻ തുങ് തൊടുത്ത് ഫ്രീകിക്ക് കയ്യിൽ ഒതുക്കാൻ കേരള ബ്ലാസ്റ്റേഴ്സ് ഗോൾ കീപ്പർക്ക് ആയില്ല. പിന്നാലെ ഇന്ദു പന്ത് വലയിൽ എത്തിച്ചു. സ്കോർ 1-1
29ആം മിനുട്ടിൽ ഒരു കോർണറിൽ കാർത്തിക നൽകിയ ക്രോസ് വിൻ തുങ് ഹെഡ് ചെയ്ത് വലയി എത്തിച്ചു. ലോർഡ്സ് 2-1ന് മുന്നിൽ എത്തി. 39ആം മിനുട്ടിൽ ഒരു ക്വിക്ക് ഫ്രീ കിക്കിലൂടെ ഇന്ദുമതി ബ്ലാസ്റ്റേഴ്സ് ഡിഫൻസിനെ മറികടന്ന് മുന്നേറി 3-1ന്റെ ലീഡിൽ എത്തി.
രണ്ടാം പകുതിയിൽ തുടക്കത്തിൽ തന്നെ ബ്ലാസ്റ്റേഴ്സിന് ഒരു പെനാൾട്ടി ലഭിച്ചു എങ്കിലും പ്രിയങ്ക എടുത്ത പെനാൾട്ടി അർച്ചന സേവ് ചെയ്തു. തുടർന്ന് 56ആം മിനുട്ടിൽ മുസ്കാന്റെ ഒരു വണ്ടർ ഗോൾ ബലാസ്റ്റേഴ്സിനെ 2-3 എന്ന നിലയിൽ എത്തിച്ചു. മൈതാന മധ്യത്തിനടുത്ത് നിന്ന് ഉള്ള ഒരു ഷോട്ടിലൂടെ ആണ് മുസ്കാൻ ഗോൾ നേടിയത്.
അധികം വൈകാതെ സമനില ഗോളും വന്നു. ഇത്തവണ മാളവിക നൽകിയ ഒരു ഓവർ ഹെഡ് പാസ് പ്രിയങ്ക ലക്ഷ്യത്തിൽ എത്തിച്ചു. ഇതോടെ സ്കോർ 3-3. ഇതേ സഖ്യം തന്നെ 74ആം മിനുട്ടിൽ വീണ്ടും ഒരുമിച്ചു. മാളവികയും പാസ് പ്രിയങ്കയുടെ ഗോൾ. സ്കോർ 4-3. ബ്ലാസ്റ്റേഴ്സിന്റെ വലിയ തിരിച്ചുവരവ്.
വിജയം ഉറപ്പിച്ചു എന്ന് കരുതി നിന്ന സമയത്ത് 92ആം മിനുട്ടിൽ ഇന്ദുമതിയുടെ വക ലോർഡ് എഫ് എയുടെ സമനില ഗോൾ. വിൻ തുങിന്റെ പാസ് സ്വീകരിച്ച് ആയിരുന്നു ഇന്ദുവിന്റെ ഇടം കാലൻ സ്ട്രൈക്ക വന്നത്. ഇതോടെ കേരള വനിതാ ലീഗ് മത്സരം 4-4 എന്ന നിലയിൽ അവസാനിച്ചു.
Story Highlight: Kerala Blasters 4-4 Lords FA