U20 ലോകകപ്പ്; ഹോളണ്ടിനെ തോൽപ്പിച്ച് ഫ്രാൻസ് ക്വാർട്ടറിൽ

അണ്ടർ 20 വനിതാ ലോകകപ്പിൽ ഗ്രൂപ്പ് ഘട്ടത്തിൽ ആതിഥേയരായ ഫ്രാൻസ് ക്വാർട്ടറിൽ. ഗ്രൂപ്പ് എയിലെ അവസാന റൗണ്ട് മത്സരത്തിൽ ഹോളണ്ടിനെ തകർത്താണ് ഫ്രാൻസ് ക്വാർട്ടറിലേക്ക് കടന്നത്. ഇന്ന് നടന്ന മത്സരത്തിൽ എതിരില്ലാത്ത നാലു ഗോളുകൾക്കാണ് ഫ്രാൻസ് ഹോളണ്ടിനെ തോൽപ്പിച്ചത്. ഫ്രാൻസിനായി ഡെലാബ്രെ ഹാട്രിക്ക് നേടി. ലോറന്റ് ആണ് നാലാം ഗോൾ നേടിയത്. മൂന്ന് മത്സരങ്ങളിൽ നിന്നായി ഏഴു പോയന്റുമായാണ് ഫ്രാൻസ് ക്വാർട്ടറിലേക്ക് കടന്നത്. നേരത്തെ തന്നെ ആറു പോയന്റുണ്ടായിരുന്ന ഹോളണ്ടും എ ഗ്രൂപ്പിൽ നിന്ന് ക്വാട്ടർ ഉറപ്പിച്ചിരുന്നു.

ക്വാർട്ടറിൽ ഫ്രാൻസ് നോർത്ത് കൊറിയയെയും, ഇംഗ്ലണ്ട് ഹോളണ്ടിനെയും നേരിടും.

കൂടുതൽ കായിക വാർത്തകൾക്ക് : www.facebook.com/FanportOfficial