യൂറോ കപ്പ് യോഗ്യത ഉറപ്പിച്ച് സ്പെയിൻ. സ്വീഡനെതിരെ സമനില വഴങ്ങിയെങ്കിലും സ്പെയിൻ യൂറോ 2020 ക്കായുള്ള യോഗ്യത നേടി. സ്വീഡനോട് 1-1 ന്റെ സമനിലയാണ് സ്പെയിൻ വഴങ്ങിയത്. റോഡ്രിഗോയുടെ ഇഞ്ചുറി ടൈം ഗോളാണ് സ്പെയിന് സമനില നേടിക്കൊടുത്തത്. രണ്ടാം പകുതിയിലാണ് ഇരു ടീമുകളും ഗോളടിച്ചത്.
മാർക്കസ് ബെർഗ്സിന്റെ ഗോളിൽ സ്വീഡൻ ജയമുറപ്പിച്ചതായിരുന്നെങ്കിലും റോഡ്രിഗോ മൊറേനോ സ്വീഡന്റെ പ്രതീക്ഷകളെ തല്ലിക്കെടുത്തി. റോബിൻ ഒൽസണ്ണിന്റെ തകർപ്പൻ സേവുകൾക്കും സ്വീഡനെ രക്ഷിക്കാനയില്ല. സ്പാനിഷ് ഗോൾ കീപ്പർ ഡി ഹെയ പരിക്കേറ്റ് പുറത്ത് പോയത് സ്പാനിഷ് ടീമിന് തിരിച്ചടിയായിരുന്നു. സ്വീഡൻ ഇനി റൊമാനിയയെ ആണ് നേരിടുക. സ്പെയിൻ മാൾട്ടയേയും റൊമാനിയയേയുമാണ് നേരിടുക.
