പോർച്ചുഗൽ യുവതാരം ജോ ഫെലിക്സിന് ശസ്ത്രക്രിയ. ദീർഘകാലമായി താരത്തെ അലട്ടുന്ന ആംഗിളിനേറ്റ പരിക്കിനാണ് ഫെലിക്സ് ശസ്ത്രക്രിയക്ക് വിധേയനാവുന്നത്. യൂറോ കപ്പിൽ നിന്ന് പോർച്ചുഗൽ പുറത്തായതിന് പിന്നാലെയാണ് താരം ശാസ്ത്രക്രിയക്ക് വിധേയനാവാൻ തീരുമാനിച്ചത്. ബെൽജിയത്തിനോട് തോറ്റാണ് പോർച്ചുഗൽ യൂറോ കപ്പിൽ നിന്ന് പുറത്തായത്.
പോർട്ടോയിൽ വെച്ചാവും താരത്തിന്റെ ശസ്ത്രക്രിയ നടക്കുക. റെക്കോർഡ് തുകക്ക് അത്ലറ്റികോ മാഡ്രിഡിൽ എത്തിയ ഫെലിക്സിന് പരിക്കിനെ തുടർന്ന് സ്ഥിരതയാർന്ന പ്രകടനം പുറത്തെടുക്കാനായിരുന്നില്ല. അടുത്ത വ്യാഴാഴ്ചയാണ് താരത്തിന്റെ ശസ്ത്രക്രിയ. ശസ്ത്രക്രിയ കഴിഞ്ഞ് ഒരു മാസം താരത്തിന് വിശ്രമം വേണ്ടിവരും. അടുത്ത സീസൺ തുടങ്ങുന്നതിന് മുൻപ് താരം പരിക്ക് മാറി തിരിച്ചെത്തുമെന്നാണ് കരുതപ്പെടുന്നത്
