ഇന്റർ മിലാനിലേക്ക് പോവാൻ സമ്മതമാണെന്നു ഇറ്റാലിയൻ ക്ലബിനെ അറിയിച്ചു ബയേണിന്റെ സ്വിസ് ഗോൾ കീപ്പർ യാൻ സൊമ്മർ. ഇനി ക്ലബുകൾ തമ്മിൽ ധാരണയിൽ എത്താൻ ആയാൽ താരം ഇന്റർ മിലാനിൽ എത്തും. കഴിഞ്ഞ സീസണിൽ ന്യൂയർ പരിക്കേറ്റു പുറത്ത് പോയതിനാൽ ബയേണിന്റെ വല കാത്തത് 34 കാരനായിരുന്നു.
നിലവിൽ ഒന്നാം നമ്പർ ഗോൾ കീപ്പർ ആന്ദ്ര ഒനാന മാഞ്ചസ്റ്റർ യുണൈറ്റഡിലേക്ക് പോകും എന്നത് ഏതാണ്ട് ഉറപ്പ് ആയതിനാൽ ആണ് ഇന്റർ സൊമ്മറിനെ ടീമിൽ എത്തിക്കാൻ ശ്രമിക്കുന്നത്. അതേസമയം ക്ലബിൽ കരാർ കഴിഞ്ഞ സമീർ ഹാന്റനോവിചിന് പകരം ശാക്തർ ഗോൾ കീപ്പർ ട്രുബിനെ ടീമിൽ എത്തിക്കാനും ഇന്റർ ശ്രമിക്കുന്നുണ്ട്.