ഡാനി ആല്വസിനു ശേഷം ബ്രസീലിൽ നിന്ന് ഉയർന്ന് വന്ന ഏറ്റവും മികച്ച റൈറ്റ് ബാക്ക് എന്ന് പേരു കേട്ട യാൻ കൗട്ടോയെ ഇംഗ്ലീഷ് ക്ലബായ മാഞ്ചസ്റ്റർ സിറ്റി ഈ സീസണിൽ ലോണിൽ അയക്കും. കൗട്ടോ ഈ ജൂലൈ മുതൽ മാഞ്ചസ്റ്റർ സിറ്റിയുടെ താരമായിരുന്നു. താരത്തിന് യൂറോപ്യൻ ഫുട്ബോളുമായി ഇണങ്ങാൻ വേണ്ടിയാണ് ഈ സീസണിൽ താരത്തെ ലോണിൽ അയക്കാൻ സിറ്റി തീരുമാനിച്ചത്. സ്പാനിഷ് രണ്ടാം ഡിവിഷനിൽ കളിക്കുന്ന ടീമാണ് ജിറോണ.
ബ്രസീലിയൻ ക്ലബായ കൊറിറ്റിബയുടെ താരമായിരുന്നു കൗട്ടോ. ബ്രസീലിന്റെ അണ്ടർ 17 ടീമിനു വേണ്ടി നടത്തിയ പ്രകടനങ്ങളാണ് ഈ യുവതാരത്തെ കഴിഞ്ഞ വർഷം ലോക ശ്രദ്ധയിൽ എത്തിച്ചത്. 12 മില്യണോളം നൽകിആയിരുന്നു മാഞ്ചസ്റ്റർ സിറ്റി താരത്തെ സൈൻ ചെയ്തിരുന്നത്. അടുത്ത സീസൺ മുതൽ മാഞ്ചസ്റ്റർ സിറ്റിയുടെ മാച്ച് സ്ക്വാഡിൽ എത്തുക ആകും യാൻ കൗട്ടോയുടെ ലക്ഷ്യം.
